SISIKON NU TO RASUL-RASUL 27:33 - KITAB NU TUMPU ALLA LELE MA'IMAI'

³³ Tempo'nyo ma'isa pe'e binete' na sinaa, i Paulus nompoto'imo da aha iwi-iwi' mongkaanmo. I Paulus notatae, “Sampulu'mo ka' opat na sinaa na kopinnyo kita Utus iwi-iwi' ola saja' jinojoong i uno nu buhuk, ka' madi' nongkaan apa-apaa.

SISIKON NU TO RASUL-RASUL 27:33 ပူးပေါင်းရင်းမြစ်များ

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MATIUS 15:32

Lapas aijo' i Yesus nolaga anu saja' mombatuki Ia ka' notatae, “Aku molibos hi mian da'isan aijo'. Tolunsinaamo na kopinnyo aha nohingga-hinggat tiba aku, ka' uuka aha madi'mo ko kaanon. Aku madi' mongka'oho' mompojohok aha minsusule' mo'ohop dumo tolubuk i jalan.”

SISIKON NU TO RASUL-RASUL 27:21

Tino pia-piangkuka nako pinnyo mian haha aijo' madi'mo nongkaan. Sahingga i Paulus namba tinuminjo i totonga' nu aha lantas notatae, “To Utu-utus! De komiu nombatukimo pokinde'ku ka' madi' tinalabut lengkat i Kreta, kita madi' nongoa'i iwi-iwi' anu ma'idek ka' kalugi'an sumo aiya.

SISIKON NU TO RASUL-RASUL 27:32

Kalana aijo' to sulu-suludadu nombotu'i segot nu sikusi aijo', sahingga sikusi aijo' na'anjumo.

SISIKON NU TO RASUL-RASUL 27:34

Ku poita da mongkaan ise-ise'. Aijo' timbali da bau ka'ima'an miu, da komiu po'ule' mahoson. Kalana kita Utus iwi-iwi' daagi' sinalamat ka' madi' ko anu naga'a apa-apaa.”

SISIKON NU TO RASUL-RASUL 9:19

Ka' noko kaan, ia tinompo'ule'mo nahoson. I Saulus jinojoong i Damsyik tiba anu saja' mombatuki Yesus tino pia-pian sinaa na kopinnyo.