SISIKON NU TO RASUL-RASUL 27:30 - KITAB NU TUMPU ALLA LELE MA'IMAI'

³⁰ Hoko-hokot na anu mokalaja i kapan nonsobamo malai mompala'i kapan aijo'. Aha nontauhakon sikusi nokaiyong i uee mimpula-pula koonyo montauhakon tapu lengkat i ahop nu kapan.

SISIKON NU TO RASUL-RASUL 27:30 ပူးပေါင်းရင်းမြစ်များ

SISIKON NU TO RASUL-RASUL 27:16

Kami gagana' tinompilung sangkiding, tempo'nyo kami notulu i sasu salatan togong nu Kauda anu ise-ise' aijo'. Susa' hondo na kami kiijo' mompagala mohela' sikusi nu kapan mami.

SISIKON NU TO RASUL-RASUL 27:27

Pihi-pihi anu kosampulu'nyomo ka' opat na pihi, kami hau-haunyo lanto-lanto i Ambai Adria. Kila-kila ugaat tonga' pahumo anu mokalaja i kapan nongoa'imo kapan hau-haunyomo mongohanimo katano'an.

SISIKON NU TO RASUL-RASUL 27:29

Aha mabuhuk boli-boli kapan aijo' tosasa i batu gahanggan. Jadi aha nonguluakon opat na tapu anu i sasu mboyok nu kapan, ka' nongamalakon de timbali lia-lia' mae maliana.

SISIKON NU TO RASUL-RASUL 27:31

Panyo i Paulus notatae hi kapala nu suludadu anu i kapan aijo', “De anu mokalaja i kapan aiya madi'mo jojoong i kapan, to Utu-utus iwi-iwi' madi'mo salamat.”

SISIKON NU TO RASUL-RASUL 27:32

Kalana aijo' to sulu-suludadu nombotu'i segot nu sikusi aijo', sahingga sikusi aijo' na'anjumo.