SISIKON NU TO RASUL-RASUL 27:29 - KITAB NU TUMPU ALLA LELE MA'IMAI'

²⁹ Aha mabuhuk boli-boli kapan aijo' tosasa i batu gahanggan. Jadi aha nonguluakon opat na tapu anu i sasu mboyok nu kapan, ka' nongamalakon de timbali lia-lia' mae maliana.

SISIKON NU TO RASUL-RASUL 27:29 ပူးပေါင်းရင်းမြစ်များ

MAZMUR 130:6

Aku mongindimo hondo Tumpu, molingkuduimo anu balonda monjaga pihi, mongindi jingka nu sinaa.

SISIKON NU TO RASUL-RASUL 27:17

Noko posake' na sikusi aijo' i kapan, kapan aijo' pinaka puutanmo nu kahohon da mahoson na mongkalekodi kapan aijo'. Kalana mabuhuk na nu hampe'akon i bone' nu Sirtis anu lese, tinauhakon na kadut lantas kapan binatukakonmo i pongka'oho' nu baleba'.

SISIKON NU TO RASUL-RASUL 27:26

Panyo kita nuhampe'akonje i biwi nu bone' i sa'angu' na togong.”

SISIKON NU TO RASUL-RASUL 27:28

Jadi aha nonguluakonmo kahohon moladung da osumbu' na koleengnyo nu ambai. Inyata' tampat aijo' koleengnyo ohani patompulu' na meten. Lapas aitu madi' pinin aha po'ule' mule' nonguluakon kahohon, lantas sinumbu'mo na ambai i tampat aijo' koleengnyo ohanimo tolumpulu' na meten.

SISIKON NU TO RASUL-RASUL 27:30

Hoko-hokot na anu mokalaja i kapan nonsobamo malai mompala'i kapan aijo'. Aha nontauhakon sikusi nokaiyong i uee mimpula-pula koonyo montauhakon tapu lengkat i ahop nu kapan.

PO'ULE' INGULIT 28:67

Maumo pa' apaa na anu otoa nu belemiu sule nu belemiu langkakatanmo kalana mabuhukmo. Daagi' subu belemiu monggaganmo da malomo, ka' de malomo belemiu monggaganmo da subu-subumo.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.