SISIKON NU TO RASUL-RASUL 27:24 - KITAB NU TUMPU ALLA LELE MA'IMAI'

²⁴ Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

SISIKON NU TO RASUL-RASUL 27:24 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 19:29

Sumo aijo'mo na tempo'nyo Tumpu Allah nohopu'imo kota haha aijo' i bangka'nyo kajojoongan i Lot. Tumpu Allah nonginau' i Abraham ka' nontulungimo i Lot nompalaihakonmo butongnyo.

KAJADIAN 30:27

I Laban notataemo hi ia, “Hongo pe'e: Ingoa'ankumo na Tumpu nombalakatimo mae aku kalana beleyum.

KAJADIAN 39:23

Kapala nu talungku' aijo' madi'mo daagi' monjagai iwi-iwi' anu pinalentahkonnyomo hi Yusuf, kalana Tumpu nontulungimo ia, sahingga ningkalianganmo iwi-iwi' na anu binaunyo.

KAJADIAN 39:5

Mulai tempo'nyo aitu kalana i Yusuf, Tumpu nombalakatimo aha salaigan mian nu Mesir aijo' ka' iwi-iwi' apaa na halata' nu aha, mau anu i laigan ka' suele anu i ale'.

KAJADIAN 46:3

Ia notatae, “Aku Tumpu Allah, Tumpu Allah anu nunu sombah nu tuuma nu beleyum. Boli mabuhuk na mamba mokiijo' i Mesir. Ku potimbalije na lee' nu beleyum bansa anu daka' ikiijo' mae.

1 TOMU-TOMUNDO' 17:13

Boli bata-bata, “Pontina'on!” na koonyo i Elia hi ia, “Baumo Pontina'on na anu o kaan bau bagi nu belento Pontina'on ka' mule' bau bagi nu anak nu belento Pontina'on. Panyo' anu momonanyo pe'e obaui aku, sa'angu' na roti ise-ise', te labu ka' lanya' ititina' na obau ka' boa mae hi belengku.

2 TOMU-TOMUNDO' 6:16

“Boli mabuhuk,” na koonyo i Elisa, “Anu monsangaja'i kita na lebe manjoo' molingkudui anu monsangaja'i aha.”

AYUB 35:8

Ola bubu'mo belemiu na monta'up kalugi'an kalana nusaduakon nu dosa' nu beleyum haha atina'. Ia mule' ahi' suele na mohumpak ka'untungan kalana ka'ima'an nu kalakuan nu beleyum.

DANIEL 2:24

Lapas aijo' i Daniel nambamo hi Ariokh anu binee'anmo kalaja da mompatei anu toto pande-pande i Babel. I Daniel notataemo hi ia, “Boli opatei na anu toto pande-pande haha aijo'. Boa mae na aku mamba mangadap hi tomundo' kalana aku mompoto'imo hi tomundo' apaa na alati'nyo nu ipionnyo aijo'.”

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

YOHANES 11:9

“Te misa'o sinaa kopiinnyo sampulu' ka' ohua' na jam?” na koonyo i Yesus. “Mian anu lumajang sinaa, madi' tosumpun kalana nutoa na jingka nu dunia aiya.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 25:11

De aku nolanggaimo atulan ka' nombaumo apa-apaa anu pantas o hukum nu hukuman mate, aku sanang na mate. Panyo de pontuuk nu aha madi' totu'u, madi' ko samian pe'e na timbali mombee' aku hi aha. Ku poita o putusi i pomputusian hi Kaisar!”

SISIKON NU TO RASUL-RASUL 27:31

Panyo i Paulus notatae hi kapala nu suludadu anu i kapan aijo', “De anu mokalaja i kapan aiya madi'mo jojoong i kapan, to Utu-utus iwi-iwi' madi'mo salamat.”

SISIKON NU TO RASUL-RASUL 27:37

Iwi-iwi' anu i kiijo' i kapan uwa'atu pitumpulu' ka' anom na mian.

SISIKON NU TO RASUL-RASUL 27:42

To Sulu-suludadu i kapan ko kahanda'mo mompatei iwi-iwi' na mian anu tinalungku' kalana aha mabuhuk boli-boli daagi' ko anu lumangu i katano'an ka' malai.

SISIKON NU TO RASUL-RASUL 27:44

Sangga'at mololoi'je mintoong i dopi' kabai i bense-bense'an nu kapan aijo'. Tiba jalan aijo', kami iwi-iwi' sinalamatmo tinoka nokiijo' i katano'an.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

FILEMON 1:22

Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.