SISIKON NU TO RASUL-RASUL 27:23 - KITAB NU TUMPU ALLA LELE MA'IMAI'

²³ Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

SISIKON NU TO RASUL-RASUL 27:23 ပူးပေါင်းရင်းမြစ်များ

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 143:12

Kalana kalibosan nu Belento pateimo iwi-iwi' na anu monsampobali' mae aku, pateimo iwi-iwi' na anu momposakisa mae aku, kalana aku posaihon nu Belento.

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

NYANYIAN ANU TALASANGGO 6:3

Aku aiya sindua'ankumo na tumpunyo, ka' mule' ia akumo an tumpunyo, ia nolaya'mo to domba-domba, aijo' i totonga' nu bunga bakung.

YESAYA 44:21

Tumpu notatae, “O, tutugi na iwi-iwi' aiya, o, Israel, kalana beleyumo na posaihon-Ku. Aku nompotimbalimo beleyum ka' mule' beleyumo na posaihon-Ku, o, Israel, Aku madi' mongkolilimi beleyum!

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEHEZKIEL 36:38

Iwi-iwi' na kota' anu uuka aiya ihansunmo saidi' mae imihinyo manjoo'mo na anu monjojoongi susumo Yerusalem de kakonamo sinaa nu lamean tempo'nyo nai puan mae, kahomo domba anu osombahkon. Sahingga nu sumbu'je nu belemiu taalu' Akumo ahi' na Tumpu.”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 3:26

Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:16

Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

2 TIMOTIUS 1:3

Aku montalima kase hi Tumpu anu binaungkumo na palentahnyo nu kinyonyoa anu ma'ima' sumo anu binaumo nu mompolee'ku naipuan mae. Aku saja' montalima kase hi Tumpu ka' ku inau' na beleyum i uno nu do'a, mau sinaa mau mule' pihi.

2 TIMOTIUS 2:24

Mian anu mokalaja bau kapentingan nu Tumpu, madi' patut painggaga; ia tionyo ahi' motatae ma'ima' hi iwi-iwi' na mian, ka' timbali mongajan mian ma'i-ma'ima' ka' sabaan.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

TITUS 1:1

Anakku i Titus! Aku i Paulus nontulis sulat aiya salaku posaihon nu Tumpu ka' rasul i Yesus Kristus. Aku pinile'anmo ka' sinai da montulungi to mia-mian anu pinile'anmo nu Tumpu da timbali mahoson i kapalesaya'an nu aha. Aku mule' tionyo molaya' aha da monsumbu' pangajalan anu totu'u, anu ingajalakonmo nu agamanto.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”