SISIKON NU TO RASUL-RASUL 27:1 - KITAB NU TUMPU ALLA LELE MA'IMAI'

¹ Salatan pinutusanmo kami tionyo talabutmo mokiijo' i Italia, i Paulus tiba to pia-piangkuka na mian sangga'at anu tinalungku' binee'mo hi Yulius, kapala nu pasukan suludadu nu Roma anu osanggohi “Pasukan i Kaisar”.

SISIKON NU TO RASUL-RASUL 27:1 ပူးပေါင်းရင်းမြစ်များ

KAJADIAN 50:20

Belemiu nomposa'angu'mo tanga'an sahingga mombaumo idek hi belengku, panyo Tumpu Allah nombali'imo, ka'idekan aijo' tinimbalimo ka'ima'an, da apaa na anu jinadimo naipuan mae aijo' da'isan na mian anu tumuu' uuka aiya pinosalamatmo.

MAZMUR 33:11

Panyo tanga'an nu Tumpu na tataap ahi' sabole-bole jadi tanga'an-Nyo otaha'imani sampe toka sidu-sidutu'.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

MOHAANGI 3:27

sahanyo kita balajan sabaan tempo'nyo daagi' olitau.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

LUKAS 23:47

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”

LUKAS 7:2

I kiijo' daagi' ko suludadu nu Roma anu ko posaihonnyo, anu talalo nu kalibosi. Posaihonnyo aijo' masakit, me ise-ise' sinilakamo.

SISIKON NU TO RASUL-RASUL 10:1

I Kaisarea daagi' ko samian na mo'ane sanggonyo i Kornelius. Ia samian na kapiteng nu “Tompukan nu Suludadu nu Italia.”

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 16:10

Salatan i Paulus nontoa anu tinoa aijo', kami balo nosadia namba mokiijo' i Makedonia. Kalana kami nompalesayamo totu-totu'u taalu' Tumpu nonsaimo kami, sahingga kami nongala sa'angu' na kaputusan mamba mompolele Lele Ma'ima' hi to mia-mian kiijo' mae.

SISIKON NU TO RASUL-RASUL 18:2

I kiijo' ia nompahakabot tiba samian na Yahudi sanggonyo i Akwila, nolengkat mae i lipu' Pontus. I Akwila sala'je tinoka lengkat i Italia tiba bengkele'nyo i Priskila. Aha tinoka i Korintus kalana i Tomundo' Klaudius nonsaimo iwi-iwi' na mian nu Yahudi mosabatmo pala'imo na Roma. I Paulus namba nolenga aha ua-ua'aha,

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 21:32

Balo kapala nu suludadu aijo' nongala to pia-piangkuka na suludadu ka' to sulu-suludadu anu nu palentah lantas lia-lia' i namba tiba aha nokiijo' i tampat kahengge'an aijo'. Salatan mian da'isan aijo' nontoa kapala nu suludadu aijo' tiba suludadunyo, aha madi'mo nomboboti i Paulus.

SISIKON NU TO RASUL-RASUL 22:26

Nohongo aijo', suludadu aijo' namba hi kapala nu pasukan ka' notatae, “Apaa na kahanda' anu obaunto nu Kita Tuuma? Mian aiya layat nu negara Roma!”

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 23:17

Lantas i Paulus nolaga samian na suludadu ka' notatae hi ia, “Boa na olitau aiya hi kapala nu suludadu; ia mongka'oho' mompotoka apa-apaa hi ia.”

SISIKON NU TO RASUL-RASUL 24:23

Lantas ia nompalentahkon suludadu anu mangaku montoa i Paulus aijo' da tataap otalungku' na i Paulus, panyo mombee'i sangkiding kaloasan hi ia ka' mompobee' to sanga-sangalunyo mombee'i ia apaa na anu nu palalui.

SISIKON NU TO RASUL-RASUL 25:12

Noko basale' tiba anu saja' mompokinde'i ia, i Festus notatae, “Beleyum mompoita oputusi i pomputusian nu Kaisar, jadi beleyum tionyo mamba mangadap hi Kaisar.”

SISIKON NU TO RASUL-RASUL 25:25

Panyo aku madi' nongkabot apa-apaa pe'e anu binaunyomo, da timbali o hukum nu hukuman mate. Ka' kalana pinosi poitanyomo na palakalanyo o putusi i pomputusian nu Kaisar, aku nontantukanmo da momboa ia hi Kaisar.

SISIKON NU TO RASUL-RASUL 27:11

Panyo kapala nu suludadu aijo' madi' palesaya hi Paulus, ia lebe palesaya hi anu mongkamudi ka' kapiteng nu kapan aijo'.

SISIKON NU TO RASUL-RASUL 27:43

Panyo kapala nu suludadu aijo' nontewa' tanga'an nu aha aijo', kalana ia kahanda' momposalamat i Paulus. Ia nonsai iwi-iwi' na mian anu moko lumangu, malalumpat pe'e ka' lumangu mokiijo' i biwi nu bone'.

SISIKON NU TO RASUL-RASUL 27:6

I kiijo' kapala nu suludadu aijo' nohumpakmo sa'angu' na kapan lengkat i Aleksanderia anu ka'oho' talabut mokiijo' i Italia. Sahingga ia nolalin kami nokiijo' i kapan aijo'.

SISIKON NU TO RASUL-RASUL 28:1

Salatan tinumotano'mo tiba salamat, kami nonsumbu'je taalu' togong aijo' sanggonyo Malta.

SISIKON NU TO RASUL-RASUL 28:16

Tempo'nyo tinokamo i Roma, i Paulus pinobee'mo jojoong sausa'nyo ka' nujagai nu samian na suludadu.

IBRANI 13:24

Potokakon na salan do'a mami toka hi iwi-iwi' na polaya' miu ka' toka hi mian iwi-iwi' anu palesayamo hi Tumpu. Talima suele na salan do'a lengkat mae hi to utu-utus anu kiijo' mae i Italia.