SISIKON NU TO RASUL-RASUL 26:7 - KITAB NU TUMPU ALLA LELE MA'IMAI'

⁷ Anu jinanji' aijo'mo suele na anu otaha'imani nu sampulu' ohua' na bansa Israel, sahingga aha monsombah hi Tumpu sinaa ka' malom. Ka' kalana aijo' aku palesaya hi anu jinanji'mo aijo', kita Tomundo' Anu Opopodaka', aku pinoosala' nu to mia-mian nu Yahudi.

SISIKON NU TO RASUL-RASUL 26:7 ပူးပေါင်းရင်းမြစ်များ

EZRA 6:17

I lamean aijo' aha nonsombahkonmo hi Tumpu 100 na sapi' lakinyo, 200 na domba lakinyo ka' 400 na anak nu domba. Bau koloban pongampuni dosa' sinombahkonmo sampulu' ka' ohua' na mee' lakinyo, anu tinanggungkan mae hi aha totosa'angu' natulunan nu bangsa Israel sa'angu'na mee' lakinyo.

EZRA 8:35

I sinaamo aijo' suele na mian iwi-iwi' anu ninsusule'mo mae i pinomboan aha, nonsombahkonmo koloban hi Tumpu Allah Israel aijo' mokoloban anu opotunu. Aha iwi-iwi' na mian Israel nonsombahkonmo 12 na sapi' lakinyo, 96 na domba lakinyo ka' 77 na anak nu domba; ka' mule' suele 12 na mee' bau koloban pongampuni dosa' nu aha. Iwi-iwi' na binatang haha aijo' tinunuanmo salaku koloban anu osombahkon hi Tumpu.

MAZMUR 135:2

anu monsombah i Laigan nu Tumpu i kajojoongan nu Tumpu-nto.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

SISIKON NU TO RASUL-RASUL 26:2

“Anu Opopodaka' Tomundo' Agripa! Aku nongoa'i inguntung hondo timbali mompotoka pompototu'u kahondoan nu butongku aiya i ahop nu kita Tomundo' mongkona iwi-iwi' anu pinotoka nu to mia-mian nu Yahudi mongkalaak aku;

SISIKON NU TO RASUL-RASUL 26:3

anu momonanyo hondo kalana kita Tomundo' monsumbu' hondo adat kabiasa'an ka' to hahan nu mian Yahudi. Mokonyo aijo', ku poita da timbali kita Tomundo' sabaan na mohongoakon katalanganku.

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

FILIPI 3:11

Ka' anu kutaha'imani, da aku po'ule'je opotumuu' de aku silakamo.

1 TESALONIKA 3:10

Sinaa ka' pihi okakase mami hi Ia nu kinyonyoa anu totu-totu'u da posi kami na singkabot tiba komiu da mompahaposampa' apaa na anu okahanda'i miu da palesayamo hi Kristus susumo anu sahondo-hondonyo.

1 TIMOTIUS 5:5

Balu anu totu-totu'u me butong sausa', ka' madi'mo ko anu pa' ihe na anu timbali montombuati, ia me taha'iman hi Tumpu. Sinaa ka' pihi ia la saja' balado'a hi Tumpu momoita da Nu montulungi.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.