SISIKON NU TO RASUL-RASUL 26:18 - KITAB NU TUMPU ALLA LELE MA'IMAI'

¹⁸ da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 26:18 ပူးပေါင်းရင်းမြစ်များ

MAZMUR 119:18

Buka'akon mae na matangku da aku montoa pangajalan anu okabangangi hi atulan nu Belento.

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

YESAYA 29:18

Toka itempo'nyo aijo' mian anu mabongon timbalimo mohongo potatae anu isa'angu' na kitab anu obasa'mo ka' anu mapisok anu u'utu mae tumuu' i uno nu kapintungan timbalimo montoa.

YESAYA 32:3

Mian anu nontoamo madi'mo daagi' mompipidi'akon matanyo ka' anu nohongomo mompalahatikanmo.

YESAYA 35:5

Tempo'nyo aijo' mian anu napisokmo moko alamo montoa-toa, ka' mian anu mabongon moko alamo mohongo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 42:7

Da mombuka' mata nu mian anu napisokmo, ka' mule' mompobebasmo mian da bolimo pintung i uno nu talungku'.

YESAYA 43:8

Tumpu notatae, “Palentah da mamba mae i ahop, bansang-Ku anu napisokmo, maumo ahi' ko matanyo; anu nabongonmo maumo ahi' ko bihingnyo.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 9:2

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

LUKAS 1:77

da mompoto'i hi mian anu palesayamo hi Ia tukoonyo aha oposalamatmo, de Tumpu mongampunimo iwi-iwi' na dosa' nu aha.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 3:19

Ia otuntut kalana han aiya: Jingka aijo' tinokamo i dunia, panyo mian madi' mongka'ima'i jingka, ola lebe mongka'ima'i pintung kalana apaa na anu nubau nu aha ma'idek.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 9:39

I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

YOHANES 9:5

De Aku daagi' i dunia aiya, Akumo na jingka nu dunia aiya.”

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 13:47

Sabab aiyamo na palentah nu Tumpu hi kami; Tumpu notatae, ‘Aku nontantukanmo komiu timbali sa'angu' na jingka hi to mia-mian bansa sangga'at anu misa' Yahudi, da komiu mompotokakon kasalamatan i songko-songko na dunia.’ ”

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

SISIKON NU TO RASUL-RASUL 26:23

aijo'mo saba' Tomundo' anu Momposalamat anu jinanji'mo nu Tumpu aijo' tionyo mongepe susa', ka' tinimbalimo mian anu momona'nyo po'ule' tinumuu' noko silaka na ia; da kalana aijo' Ia timbali monsisikakon jingka – aitumo kasalamatan – mau hi to mia-mian Yahudi mau pe'e hi to mia-mian anu misa' Yahudi.”

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 6:14

Boli mongka'oho' timbali sangalu nu to mia-mian anu madi' palesaya hi Yesus; aijo' madi' sosok. Iya na toho' ka'ima'an mosa'angu' tiba ka'idekan! Madi' toho' jingka maninggalo' tiba pintung.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

GALATIA 3:2

Soba poto'i mae hi belengku sa'angu' na han aiya: Pa' komiu nontalimamo Roh nu Tumpu kalana nompojalanmo atulan nu agama, kabai o kalana komiu nohongomo Lele Ma'ima' lengkat mae hi Tumpu ka' palesaya hi Kristus?

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:14

Roh aijo'na mompohoson saba' kita manau' mae montalimamo apaa na anu jinanji'-Nyomo nu Tumpu hi mian palesayamo hi Ia. Aiya mompokododo kapalesaya'anto kalana Tumpu mompobebasmo mian anu palesayamo hi Ia. O puji' na Tumpu kalana Ia talasanggo.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

EFESUS 4:18

Pikilan nu aha pinintungmo. Aha madi'mo monsumbu' kantumuu'an anu binee' nu Tumpu. Kalana aha madi' ko anu nu pisumbu-sumbu' nu aha mongkona Tumpu. Aha sumo aijo' kalana bangilan.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

EFESUS 6:12

Kalana kita mahampate misa' mongewa mian, panyo mongewa kahosonan nu to setan-setan iwi-iwi' anu mongkuasaimo tempo' anu ma'idek aiya. Kita mongewa kahosonan nu to roh-roh ma'idek anu mongkuasai langa.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.

IBRANI 10:10

I Yesus Kristus nombaumo apaa na anu nukahanda'i nu Tumpu Allah ka' butong-Nyo sinombahkonnyomo, salaku koloban. Kalana Ia nonsombahkonmo sumo aijo', ka' Ia nombaumo sumo aijo' ola ninsan sampe toka sidu-sidutu'; kita iwi-iwi' pinobelesi'mo i dosa'.

IBRANI 10:14

Jadi anu ola sa'angu' na koloban aijo', i Kristus nompokopianimo to mia-mian anu pinobelesi'mo na dosa'nyo.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 9:15

Aijo' na sababnyo i Kristus tinimbalimo Jalan i sa'angu' na palajanjian anu bu'ou, da mian anu i lagamo nu Tumpu montalimamo to bala-balakat anu madi' mingkot anu jinanji'mo nu Tumpu. Iwi-iwi' aijo' tinimbalimo kalana daagi'mo ko anu sinilaka, aijo'mo i Kristus; ka' Ia sinilaka aijo' nompobebasmo mian i kasala'an-kasala'an anu binaumo nu aha tempo'nyo palajanjian anu momona daagi' pinake.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 1:4

Kita montaha'imani da mohumpak to bala-balakat anu tinoukanmo nu Tumpu bau bagi nu mian anu pinalesayamo hi Ia, aijo'mo to bala-balakat anu pino'una'-Nyomo i suluga', sahingga madi' timbali ma'idek kabai mabusik kabai mule' mongabali'.

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

1 YOHANES 2:12

Aku nontulismo toka hi belemiu, to Ana-anak, kalana dosa' miu ingampunanmo, aijo' ola kalana i Kristus.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

1 YOHANES 5:19

Osumbu'to saba' kita aiya anumo nu Tumpu, mau mule' songko-songko na dunia aiya Anumo Ma'idek na nongkuasai.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.