SISIKON NU TO RASUL-RASUL 25:23 - KITAB NU TUMPU ALLA LELE MA'IMAI'

²³ Dodododopnyo i Agripa ka' i Bernike tinokamo ka' pinolabotmo nu adat nu mian daka'. Aha ninsoop i tampat pomputusian palakala hingga-hinggat to pangka-pangkat daka' nu Suludadu tiba to mia-mian anu ko angga'nyo i kota aijo'. I Festus nompalentahkonmo i Paulus binoa ninsoop.

SISIKON NU TO RASUL-RASUL 25:23 ပူးပေါင်းရင်းမြစ်များ

ESTER 1:4

Inganom na bitu'on na kinopinnyo na i tomundo' lewa' nompotoa kakaya'annyo anu kiijo' ilaigan nu tomundo' ka' mule' ko ima'nyo ka' mule' katalasanggoan nu kalaja'annyo.

ANU MOMPOLELE POTATAE NU TUMPU 1:2

Anu saja' Bapikin notatae; iwi-iwi' palasuma' madi' ko gunanyo! Kantumuu'an aijo' palasuma' iwi-iwi aijo' madi' ko alati'nyo.

YESAYA 14:11

Naipuan mae beleyum oholomati nu kasapi' na okuti' panyo uuka aiya jinojoongmo itampat anu liing, dunia nu mian anu sinilakamo. Sagala ias timbalimo bau koi nu beleyum ka' onjoluate' timbalimo bau pinsabut nu beleyum'.’

YESAYA 5:14

Nganga' nu kapatean tolo anga'mo ewa-ewa kalana moloyomo aha mian to pola-polaya' i Yerusalem tiba mian da'isan anu binalame-lame'mo nombau bau-bauon.

YEHEZKIEL 30:18

De Ku pomingkotmo na kapalentahan nu Mesir ka' mongalamo kakuasa'annyo anu nu kabubunakan aijo', Tahpanhes nu saputmo nu pikat ka' to bou-bounenyo ohakopmo ka' oboa.

YEHEZKIEL 32:12

To sulu-suludadu nu bansa-bansa anu talalo buhingison Ku palentahmo da mongkeatmo bajak nu aha da mompateimo iwi-iwi' na aha mian da'isan nu beleyum. Mian da'isan nu beleyum ka' iwi-iwi' apaa na anu nu kabubunakon hansunmo ingko-ingkot.

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 7:24

To bansa-bansa anu toto sisinggi hondo Ku potokamo mae da monjojoongimo laigan nu belemiu. Mian anu toto babaani hondo atina' hi belemiu langkakatanmo de maluanyo bansa-bansa haha aijo' Ku pojohokmo mohansuni tampat-tampat ponsomban mae nu belemiu Aku.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

MARKUS 6:21

Ahennyo i Herodias nohumpak tempo' inompolabot sinaa nu kinahampean i Herodes. Tempo'nyo aijo' i Herodes nombau lamean ka' nolaga iwi-iwi' na anu ko pangkat matangkas i kalaja'an, to sulu-suludadu ka' mule' to tu'a-tu'anyo nu mian Galilea.

SISIKON NU TO RASUL-RASUL 12:21

Daagi' kino sansinaan anu noko tantukanmo, i Herodes nompusokmo pakean nu kadaka'annyo lantas sinumuhangmo i kulusi nu kalaja'an ka' mulai binapidato i ahop nu layat.

SISIKON NU TO RASUL-RASUL 25:13

Madi' pinin lapas aijo', i Tomundo' Agripa ka' i Bernike tinokamo i Kaisarea da singkabot i Festus.

SISIKON NU TO RASUL-RASUL 26:30

Ahennyo i Tomundo', Gubernur tiba i Bernike, ka' iwi-iwi' na mian sangga'at tinuminjomo.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

1 KORINTUS 7:31

ka' mian anu manjoo' na ulusan i dunia, tionyo ia tumuu' susumo ia madi' nupogago' nu hahan aijo'. Kalana madi'mo pin na dunia aiya, bau-baunyo anu susumo aiya tionyo lanyapmo!

YAKOBUS 1:11

De bete'mo na sinaa ka' panasnyo talalomo mahangehes, sahingga hemput aijo' mangkalualemo ka' bunganyo mohudu'mo ka' madi'mo ma'ima'. Sumo aitumo singkona na mian kaya; ia silaka hau-haunyo ia mompojalan usahanyo.

1 PETRUS 1:24

I uno nu Kitab nu Tumpu tinulismo sumo uuka, “Iwi-iwi' na manusia sumo hemput, ka' iwi-iwi na katalasanggoannyo sumo buhak nu hemput. Hemput mangkaluale, buhaknyo suele mohontang;

1 YOHANES 2:16

Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.