SISIKON NU TO RASUL-RASUL 25:11 - KITAB NU TUMPU ALLA LELE MA'IMAI'

¹¹ De aku nolanggaimo atulan ka' nombaumo apa-apaa anu pantas o hukum nu hukuman mate, aku sanang na mate. Panyo de pontuuk nu aha madi' totu'u, madi' ko samian pe'e na timbali mombee' aku hi aha. Ku poita o putusi i pomputusian hi Kaisar!”

SISIKON NU TO RASUL-RASUL 25:11 ပူးပေါင်းရင်းမြစ်များ

AYUB 31:21

De bisuannyo aku toho'mo nonsansalai anak anu madi'mo ko tuumanyo ka' tinanyo, kalana da aku untung i palakalangku,

YEREMIA 37:18

Lapas aijo' pinokilawangkumo, “Apaa na palabuatanku anu ma'idek hi belento Tomundo kabai hi to mia-mian anu ko pangkatnyo i pamalentahan nu belento Tomundo' kabai hi aha mian da'isan, sahingga nu posoopmo nu belento Tomundo' na aku i uno nu talungku'?

SISIKON NU TO RASUL-RASUL 16:37

Panyo i Paulus notatae hi to pangka-pangkat pulisi aijo', “Kami minsoop i layat nu negara Roma. Madi' pilenje o putusi, kami binala tobatmo i ahop nu mian da'isan ka' pinosoopmo i uno nu talungku'. Ka' uuka aha nompokaumo kami mamba hoko-hokot? Kami madi' mongka'oho'! Pokau mae na to pangka-pangkat pamalentah aijo' da aha na mosi toka mae i aiya monsabatakon kami.”

SISIKON NU TO RASUL-RASUL 18:14

Salatan i Paulus kahanda'mo montaami, i Galio notataemo hi to mia-mian Yahudi, “O, to mia-mian Yahudi! De anu pongkalaakan aiya sa'angu' na kasala'an kabai sa'angu' na ka'idekan, memang konanyomo na aku sabaan na mohongo komiu mongkalak aiya.

SISIKON NU TO RASUL-RASUL 22:25

Panyo tempo'nyo i Paulus sinegotanmo da o pohos, i Paulus notatae hi suludadu anu tinuminjo i kiijo', “Pa' timbali na mompohos mian nu layat kalaja'an Roma, de ma'isa pe'e ia o palesa?”

SISIKON NU TO RASUL-RASUL 25:10

Tinaaman i Paulus, “Aku hau-haunyo tinjo-tinjo i ahop nu mian kopian hi Kaisar nu Roma; ka' i tampat aijo'mo na aku tionyo oputusi. Posi Tuan monsumbu'mo saba' aku madi' ko sala'nyo kona hi mian nu Yahudi.

SISIKON NU TO RASUL-RASUL 25:12

Noko basale' tiba anu saja' mompokinde'i ia, i Festus notatae, “Beleyum mompoita oputusi i pomputusian nu Kaisar, jadi beleyum tionyo mamba mangadap hi Kaisar.”

SISIKON NU TO RASUL-RASUL 25:21

Panyo i Paulus nompoita po'ule' o ulus i anu lebe matangkas; pinoitanyo da ia tataap jojoong i talungku'an sampe palakalanyo nu putusi nu Kaisar. Mokonyo aijo' pinalentahkonku da ia o talungku' pe'e sampe aku mohumpak kasampatan momboa ia hi Kaisar.”

SISIKON NU TO RASUL-RASUL 25:25

Panyo aku madi' nongkabot apa-apaa pe'e anu binaunyomo, da timbali o hukum nu hukuman mate. Ka' kalana pinosi poitanyomo na palakalanyo o putusi i pomputusian nu Kaisar, aku nontantukanmo da momboa ia hi Kaisar.

SISIKON NU TO RASUL-RASUL 26:32

Lantas i Agripa notataemo hi Festus, “Mian aiya timbalimo opobebas, de ia madi' montuntut palakalanyo oputusi nu Tomundo.”

SISIKON NU TO RASUL-RASUL 28:19

Panyo kalana to mia-mian nu Yahudi nombahakon, sahingga aku sabole-bolehmo nontuntut palakalangku da oputusi hi Tomundo' nu Roma. Aku mombau aijo' misa' kalana aku daagi' ko apa-apaanyo kahanda' mongkalaak aha posi bansangku.

1 TESALONIKA 2:15

To mia-mian haha aijo'mo na anu nompateimo i Tumpu Yesus, ka' to nabi-nabi, ka' nongkabisa'imo kami. Aha nompo'uwaliakonmo iwi-iwi' na mian, ka' Tumpu madi'mo hondo sinanang hi aha.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”