SISIKON NU TO RASUL-RASUL 24:25 - KITAB NU TUMPU ALLA LELE MA'IMAI'

²⁵ Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

SISIKON NU TO RASUL-RASUL 24:25 ပူးပေါင်းရင်းမြစ်များ

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

2 TOMU-TOMUNDO' 22:19

beleyum nompele-pele'mo ka' nangaku sinala'mo hi beleng-Ku. Pinopobuhuk-Kumo na Yerusalem na hukuman ka' mian anu jojoong i kiijo'. Ku potimbalimo na kota' aijo' sa'angu' na kota' anu okabuhuk hondo de otoa, ka' sanggo Yerusalem ku potimbalimo sanggo anu kinutukan. Panyo salatan beleyum nohongomo anu binau pinompobuhuku aijo', beleyum i humangmo ka' nombea-beakmo baju' salaku tanda sinusa'mo hondo na kinyonyoa nu beleyum. I hongong-Kumo na do'a nu beleyum,

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

EZRA 10:9

Salatan tinolunsinaamo kinakonamo i tanggan uampulu'mo, bitu'on ko osio'nyomo, iwi-iwi' na to momo'ane anu jojoong i da'erah Yehuda ka' Benyamin tinokamo i Yerusalem ka' sinihukmo i popasan nu Laigan nu Tumpu. Tempo'nyo aitu tinudunmo na ujan mabohos hondo. Iwi-iwi' na mian ilangkungkunanmo kalana mobakin hondo, panyo kalana penting hondo na aha sihuk aijo'.

AYUB 29:14

Iwi-iwi' na anu binaungkumo madi' tageo' ka' madi' koalunyo; aku saja' montinjohakon ka'adilan.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

AMSAL 16:12

Hi aha anu balakuasa de mombau anu ma'idek aijo' han anu madi' ma'ima'; kalana pamalentahannyo mahoson aijo' kalana ka'adilan.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 32:11

Sampe tempo uuka aiya kantumuu'an nu belemiu sanang madi'mo nolasai kasusa'an. Panyo uuka aiya nu lakatmo kalana mabuhukmo! Ukatakon na baju' nu belemiu ka' posasa' na hude kalung ikompong nu belemiu.

YESAYA 41:21

Tumpu, tomundo' nu Israel, notataemo hi to pilo-pilogot, “Kalakmo mae na palakala nu beleyum, poto'i mae pa' apaa na saba-sababnyo!

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

YESAYA 61:8

Tumpu notatae, “Aku mongka'ima'i ka'adilan ka' mongka'ideki anu saja' monsansala' tiba palabuatan ma'idek. Ku bee'je na pontamboi beleyum anu madi' sala-sala', ka' mojanji' tiba belemiu sampe toka sidu-sidutu'.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

YEREMIA 36:16

Salatan pinokobasa'nyomo, aha nompaha didinmo samian ka' samian ka' binata-batamo, ka' nompoto'imo i Barukh, “Aiya na tionyo ahi' opoto'i mami hi tomundo'.”

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

HOSEA 7:5

Sinaa pombauanmo bau-bauon i tomundo' tiba to paga-pagawenyo pino inumanmo nu aha anggur sampe aha nalangumo, ka' nombaumo hahan anu ponga'. Ahennyo i tomundo' aijo' binalasanangmo tiba to mia-mian anu palalente.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

AMOS 6:12

Nu poko ala – nu ajahan na mopadeka' ipuge'nyo anu batuon? Toho' binau nu mian na sapi' mompajeko ambai? Panyo belemiu aiya nombali-balikakonmo ka'adinan da timbali lasung anu monsilakai ka' anu totu'u tinimbalimo sala.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

HAGAI 1:2

Tumpu Anu Daka' na kuasanyo notataemo hi Hagai, “Bansa aiya montaloakon koonyo nu aha ma'isa pe'e tempo'nyo na po ule' mombau Laigan-Ku.”

MATIUS 22:5

Panyo aha anu i laga aijo' madi' mompajuli. Aha namba i posi pakalaja'annyo toto samian – samian namba i ale'nyo, anu sangga'at namba i usahanyo;

YOHANES 16:8

De Ia tokamo Nu ponyata'je i dunia na pangalati'an nu dosa' anu sahondo-hondonyo, ka'pohukum nu Tumpu.

SISIKON NU TO RASUL-RASUL 10:42

Ka' Ia nonsai kami mompolele Lele Ma'ima' aijo' hi to mia-mian ka' nombee'i katalangan koonyo Iamo na anu i hangkat nu Tumpu da timbali Mian Kopian nu to mia-mian anu daagi' tumuu' ka' to mia-mian anu sinilakamo.

SISIKON NU TO RASUL-RASUL 17:13

Salatan to mia-mian Yahudi i Tesalonika nohongomo saba' i Paulus nompolelemo suele potatae nu Tumpu i Berea, aha suele tinokamo i Berea monsale'i ka' nongkakeha'i to mia-mian i kiijo' da madi' sinanang.

SISIKON NU TO RASUL-RASUL 17:2

Sahingga i Paulus suele namba nokiijo' i laigan pogalejaan aijo' – sumo anu biasa nubau de daagi' ko sa'angu' na laigan pogalejaan nu mian Yahudi – lantas nompaha buka-buka' pikilan tiba to mia-mian i kiijo' mongkona to aya-ayat Kitab nu Tumpu Allah. Ia nombau aijo' tolun sinaa i sinaa nu Sabat, madi' ko olotnyo.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

SISIKON NU TO RASUL-RASUL 24:26

Hau-haunyo aijo' i Feliks nontaha'imanimo mohumpakmo doi hi Paulus. Mokonyo aijo' ia saja' monsai mian mongala i Paulus kahanda' basisik tiba ia.

SISIKON NU TO RASUL-RASUL 26:28

Lantas i Agripa notatae hi Paulus, “Koyum dengke na mompotimbali aku timbali mian Kristen i uno nu tempo' sasaingoni' aiya?”

SISIKON NU TO RASUL-RASUL 9:6

Panyo uuka bulamo ka' pinsoop mokiijo' i kota. I kiijo' mae opoto'ije hi beleyum apaa na anu tionyo nu bau.”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 14:12

Jadi kita toto samian tionyo mongakui iwi-iwi' apaa na anu binauntomo hi Tumpu.

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

2 KORINTUS 6:2

I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

GALATIA 5:23

aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

IBRANI 12:21

Apaa na anu tinoamo nu mian Israel haha aijo', talalo ahi' hondo okabangangi sahingga i Musa notataemo, “Aku nabuhukmo ka' i lakatnyomo!”

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

2 PETRUS 1:6

ka' tuangnyo nu kapandean, komiu tionyo ahi' moko ala mongkuasai butong. Ka' tuangnyo nu moko ala mongkuasai butong tionyo ahi' belemiu mompokopiani butong ka sabaan na mongahopi iwi-iwi na apaa. Tuangnyo nu sabaan de mongahopimo iwi-iwi na apaa, belemiu tionyo ahi' mombatuki pongka'oho' nu Tumpu.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

1 SAMUEL 12:7

Uuka aiya boli pe'e mamba. Ku posala' mo na belemiu i ahop nu Tumpu. Soba tutugi na kalibosan nu Tumpu iwi-iwi' anu pinotoa-Nyomo hi belemiu ka' hi mompole' nu belemiu.