SISIKON NU TO RASUL-RASUL 24:17 - KITAB NU TUMPU ALLA LELE MA'IMAI'

¹⁷ Salatan tino pia-piangkukamo ahi' na taun madi' jinojoong i Yerusalem, aku ninsusule'mo nokiijo' da momboa doi pontulungi hi bansangku, ka' monsombakon koloban hi Tumpu.

SISIKON NU TO RASUL-RASUL 24:17 ပူးပေါင်းရင်းမြစ်များ

SISIKON NU TO RASUL-RASUL 20:16

I Paulus noko tantukanmo da madi'mo sonsoo' i Efesus, da boli mongide-idei tempo' i tano' nu Asia. De opoko-poko lamedi da malia-lia' toka na ia i Yerusalem i sinaa nu Lamean nu Pentakosta.

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

SISIKON NU TO RASUL-RASUL 21:26

Sahingga i Paulus namba tiba aha opat na mian aijo' lantas nombau adat momposusi' butong nohingga-hinggat tiba aha dodododopnyo. Lapas aijo' aha ninsoop nokiijo' i Laigan nu Tumpu da mompoto'i saba' daagi' to pia-pian sinaa atina'je ka' adat momposusi' aijo' mingkotmo ka' koloban nu aha toto samian o sombahkonmo.

SISIKON NU TO RASUL-RASUL 24:26

Hau-haunyo aijo' i Feliks nontaha'imanimo mohumpakmo doi hi Paulus. Mokonyo aijo' ia saja' monsai mian mongala i Paulus kahanda' basisik tiba ia.

ROMA 15:31

Balado'a da Tumpu molapasakon aku i lima nu to mia-mian anu madi' palesaya kiijo' mae i Yudea, da kalajangku momboa pontulungimo kiijo' i Yerusalem otalima nu kinyonyoa sanang nu mian anu palesayamo hi Tumpu kiijo' mae.

2 KORINTUS 8:6

Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

2 KORINTUS 9:12

Kalana palabuatan anu ma'ima' bibinaumo miu aiya misa' ola da momposukup kakulangan nu mian anu pinalesayamo hi Tumpu, panyo mule' suele mompotuka'mo mian da'isan da montalima kase hi Tumpu.

GALATIA 2:10

Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.