SISIKON NU TO RASUL-RASUL 24:14 - KITAB NU TUMPU ALLA LELE MA'IMAI'

¹⁴ Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

SISIKON NU TO RASUL-RASUL 24:14 ပူးပေါင်းရင်းမြစ်များ

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

MATIUS 10:32

“De ihe na mongakui Aku i ahop nu mian da'isan tukoonyo ia anu mombatuki Aku, Aku suele tionyo mongakui ia i ahop nu Tuumang-Ku i suluga'.

MATIUS 22:40

Iwi-iwi' na atulan nu agama anu binee' i Musa, ka' ajalan nu to nabi-nabi, mimpu'u i palentah anu ohu-ohua' aijo'.”

MATIUS 7:12

O bau na mian sangga'at sumo apaa na anu oka'ima'i nu bau nu aha hi komiu. Aijo'mo na batunyo nu atulan i Musa, ka' pangajalan nu to nabi-nabi.”

LUKAS 1:70

Naipuan mae nompake to nabi-nabi anu pinile'an-Nyo, Tumpu nombee'mo anu jinanji'-Nyo

LUKAS 16:16

Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

LUKAS 16:29

I Abraham nontaami, ‘Aha ko kitab-kitabmo i Musa tiba kitab nu to nabi-nabi! Bakas aha montulutije apaa na anu tinulismo i uno nu kitab-kitab aijo'!’

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 13:15

Salatan Kitab i Musa ka' Kitab nu to nabi-nabi binasa'akon, to pola-polaya' i laigan pogalejaan aijo' nonsai mian mompokilawa hi Paulus ka' to sanga-sangalunyo, “To utu-utus, de kita utus ko pokinde apa-apaa hi to mia-mian aiya, ku poita da mompotokamo pokinde' aijo'.”

SISIKON NU TO RASUL-RASUL 15:5

Panyo to pia-piangkuka na mian lengkat hi aha Farisi anu pinalesayamo, tinuminjo ka' notatae, “To mia-mian bansa sangga'at anu pinalesayamo aijo' tionyo o sunat ka' palalu mombatuki atulan i Musa.”

SISIKON NU TO RASUL-RASUL 19:23

Ugaat tempo'nyomo aitu na kahengge'an anu talalo daka' tinimbali i Efesus kalana ajalan mongkona i Yesus.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 22:14

Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

SISIKON NU TO RASUL-RASUL 24:22

Lantas i Feliks anu monsumbu'mo manjoo' na pangajalan mongkona i Yesus, madi'mo nonginsuhakon ulusan nu palakala aijo'. “Ku putusimo na palakala aijo',” tukoonyo, “de i Lisias kapala nu suludadu tokamo.”

SISIKON NU TO RASUL-RASUL 24:5

I humpakmo mami na mian aiya mompokalangkabut anu moko bahaya. Iyaya mae ia mompolubat kahengge'an, aijo' hi aha to mia-mian nu Yahudi ka' ia tinimbalimo polaya' posa'angu'an nu to mia-mian nu Nazaret.

SISIKON NU TO RASUL-RASUL 25:8

I uno nu ia mompototu'u butongnyo, i Paulus notatae, “Aku madi' nombau apa-apaa anu sala' mongkona atulan i Musa kabai kona i Laigan nu Tumpu kabai pe'e kona hi Kaisar nu Roma.”

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

SISIKON NU TO RASUL-RASUL 26:27

Anu Opopodaka' Tomundo' Agripa, pa' kita Tomundo' palesaya hi apaa na anu tinaloakonmo nu to nabi-nabi? Kututugi kita Tomundo' palesaya!”

SISIKON NU TO RASUL-RASUL 26:4

Iwi-iwi' mian nu Yahudi monsumbu' mosia na aku tinumuu' lengkat pe'e ingolitau. Aha monsumbu' saba' lengkat pe'e aku ingolitau, aku tinumuu'mo i totonga' nu posi bansangku i Yerusalem.

SISIKON NU TO RASUL-RASUL 26:6

Ka' uuka aku tuminjo i aiya da o ulus kalana aku palesaya hi janji' anu binau nu Tumpu hi mompolee' mami.

SISIKON NU TO RASUL-RASUL 28:22

Panyo kami mongkahanda'i suele mohongo mongkona kapalesaya'an nu kita Utus, kalana kami iwi-iwi' nohongomo mian mompisala'i ajalan anu nubatuki nu kita Utus.”

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

SISIKON NU TO RASUL-RASUL 5:30

I Yesus anu sinalibmo miu, po'ule'mo pinotumuu' nu Tumpu Allah i kapateannyo, aijo'mo Tumpu nu mompolee'to.

SISIKON NU TO RASUL-RASUL 7:32

‘Akumo na Tumpu mompolee' miu; Aku Tumpu i Abraham, i Ishak, ka' i Yakub.’ I Musa ilakatnyomo nu buhuk sahingga madi' daagi' baani na montoa kuhat aijo'.

SISIKON NU TO RASUL-RASUL 9:2

ka' nompoita sulat kuasa da mamba hi to pola-polaya' i to lai-laigan pogalejaan mian nu Yahudi i Damsyik, da de ia mompaha kabot kiijo' mae to mia-mian anu palesayamo hi Yesus, ia timbali mohakop aha, ka' momboa aha mokiijo' i Yerusalem.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 3:21

Panyo uuka aiya Tumpu nompotiju'mo jalan, mosia na mian mompaha ima' tiba Ia; ka' jalannyo aijo' madi' ko tuusanannyo tiba atulan nu agama Yahudi. Kitab-kitab i Musa tiba kitab-kitab nu to nabi-nabi memang nompoto'imo han aijo',

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

2 TIMOTIUS 1:3

Aku montalima kase hi Tumpu anu binaungkumo na palentahnyo nu kinyonyoa anu ma'ima' sumo anu binaumo nu mompolee'ku naipuan mae. Aku saja' montalima kase hi Tumpu ka' ku inau' na beleyum i uno nu do'a, mau sinaa mau mule' pihi.

TITUS 3:10

Mian anu monsaduakon poga'a-ga'atan i uno nu jama'at, tionyo ahi' nu tewa' minsan kabai pinduan, lapas aijo' boli daagi' mosangalu tiba ia.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.