SISIKON NU TO RASUL-RASUL 24:10 - KITAB NU TUMPU ALLA LELE MA'IMAI'

¹⁰ Lantas i gubernur aijo' nombee'i tanda hi Paulus, da ia timbali motatae. Sahingga i Paulus notatae, “Kusumbu' na kita Tuan tinimbalimo mian kopian nu lipu' aiya binataun-taunmo na ko pinnyo. Mokonyo aijo' aku mongoa'i sanang na mombee' katalanganku aijo' i ahop nu kita Tuan.

SISIKON NU TO RASUL-RASUL 24:10 ပူးပေါင်းရင်းမြစ်များ

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

LUKAS 12:14

I Yesus nontaami, “Utus, ihe na nohangkat Aku timbali anu momputusi kabai mombagi buden atina' hi komiu ohua'?”

LUKAS 18:2

Koonyo i Yesus, “I sa'angu' na kota daagi' ko samian na mian kopian anu madi' mabuhuk hi Tumpu, ka' madi' mompajuli mau mule' ihe.

SISIKON NU TO RASUL-RASUL 12:17

I Petrus nombee'i tanda nu limanyo da aha momohokot, lapas aijo' ia nonsisikakonmo mosia na Tumpu nomboa ia nosabat lengkat i talungku'. Lantas ia notatae, “Poto'iakonmo na aiya hi Yakobus ka' suele hi to utu-utus sangga'at.” Lapas aitu i Petrus nompala'imo tampat aijo' ka' nokiijo'mo i tampat sangga'at.

SISIKON NU TO RASUL-RASUL 13:16

I Paulus balo tinuminjo, lantas nombee'i tanda nu limanyo, lapas aijo' notataemo, “To utu-utusku bansa Israel ka' iwi-iwi' na to utu-utus sangga'atannyo i aiya anu mohongo-hongo Tumpu! Soba hongo na aku:

SISIKON NU TO RASUL-RASUL 18:15

Panyo aiya te pahanggagan mongkona potatae ka' to sanggo-sanggo tiba posi to atu-atulan miu! Jadi komiu na tionyo momputusi hahan aiya. Aku madi' kona na momputusi hahan anu sumo aiya!”

SISIKON NU TO RASUL-RASUL 19:33

Sambagian na mian haha aijo' monsangka i Aleksander na nombau sabab, kalana iamo na anu pinunsuhakon i ahop nu to mia-mian Yahudi. Sahingga i Aleksander nombee'i tanda nu limanyo mompoita da obee'i kasampatan montalangkan butongnyo i ahop nu mian haha aijo'.

SISIKON NU TO RASUL-RASUL 21:40

Sahingga salatan i Paulus pinoloasmo na motatae, i Paulus tinuminjomo i ojan, lantas nombee'i tanda nu limanyo. Iwi-iwi' mian nomohokot. Lapas aijo' i Paulus notataemo hi aha i uno nu basa' Ibrani. Koonyo i Paulus,

SISIKON NU TO RASUL-RASUL 23:24

Posadiakon suele na ajahan da kasake'an i Paulus, ka' boamo na ia ma'ima-ima' toka hi Gubernur Feliks.”

SISIKON NU TO RASUL-RASUL 26:1

I Agripa notatae hi Paulus, “Beleyum opobee' motatae da mompototu'u kahondoan nu butongum.” Sahingga i Paulus nohangkat limanyo lantas nompotoka pompototu'u butongnyo sumo uuka.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.