SISIKON NU TO RASUL-RASUL 24:1 - KITAB NU TUMPU ALLA LELE MA'IMAI'

¹ Kino liman sinaanyomo, i Imam Daka' Ananias ka' to pola-polaya' nu Yahudi nambamo i Kaisarea tiba samian pabisala sanggonyo i Tertulus. Aha nangadap hi Gubernur Feliks ka' nompotoka palakala mongkona i Paulus.

SISIKON NU TO RASUL-RASUL 24:1 ပူးပေါင်းရင်းမြစ်များ

MAZMUR 11:2

Kalana mian anu ma'idek na kinyonyoanyo mompana'akonmo mae pana'nyo ka' nompokonamo hihisnyo kahanda'mo nu pana'akon i tampat anu pintung hi mian anu madi' tageo' na kinyonyoanyo.

YESAYA 3:3

to sulu-suludadu anu toto tangka-tangkas na pangkatnyo, to mia-mian anu matangkas na pangkatnyo, ka' mule' anu toto pande i negara, to mia-mian anu pangatahuanon, tiba to sando-sando.

SISIKON NU TO RASUL-RASUL 12:21

Daagi' kino sansinaan anu noko tantukanmo, i Herodes nompusokmo pakean nu kadaka'annyo lantas sinumuhangmo i kulusi nu kalaja'an ka' mulai binapidato i ahop nu layat.

SISIKON NU TO RASUL-RASUL 21:27

Salatan tempo'nyo ipitunmo na sinaa aijo' malia'mo pupus, to pia-piangkuka na mian nu Yahudi lengkat mae i Asia nontoa i Paulus i uno nu Laigan nu Tumpu. Lantas aha nonsale'imo mian da'isan, lapas aijo' nontoongimo i Paulus,

SISIKON NU TO RASUL-RASUL 23:2

Tempo'nyo i Paulus notatae sumo aijo', Imam Daka' i Ananias nompokaumo mian anu tinjo-tinjo i sasu hi Paulus nohapa' nganga' i Paulus.

SISIKON NU TO RASUL-RASUL 23:24

Posadiakon suele na ajahan da kasake'an i Paulus, ka' boamo na ia ma'ima-ima' toka hi Gubernur Feliks.”

SISIKON NU TO RASUL-RASUL 23:30

Lapas aitu daagi' ko anu nompoto'i aha daagi' ko tanga'an anu ma'idek nu to mia-mian nu Yahudi kona hi ia. Jadi aku balo nomboa ia hi kita Tuan Gubernur. Ka' aku nompokaumo aha anu montutuk ia momboa palakala anu tinuukakonnyo toka hi kita Tuan.”

SISIKON NU TO RASUL-RASUL 23:33

Salatan pasukan anu sinumake' i ajahan aijo' tinokamo i Kaisarea, aha nombee'mo sulat aijo' hi gubernur, lantas i Paulus binee'mo hi ia.

SISIKON NU TO RASUL-RASUL 23:35

ia notatae, “Ma'ima'mo! Ku palesaje na palakalaum, de to mia-mian anu nongkalaak beleyum tokamo i aiya.” Lantas ia nompalentahkon da i Paulus opojoong i laigan daka' hi Herodes.

SISIKON NU TO RASUL-RASUL 24:11

Kita Tuan timbali mosi selidiki, saba' madi' nolabih i sampulu' ohua' na sinaa anu i hikuhakonmo, aku namba nokiijo' i Yerusalem da balado'a.

SISIKON NU TO RASUL-RASUL 24:2

Salatan i Tertulus i laga nokiita' i ahopnyo, ia nontuuk i Paulus sumo uuka, “Kita Tuan Gubernur Anu Opopodaka'! I uno nu pamalentahanto Tuan, lipu' mami aman. Ka' i uno nu kapandeanto Tuan mule' manjoo'mo na pinokopianan anu binau da bau kapentingan nu bansa mami.

SISIKON NU TO RASUL-RASUL 25:15

Tempo'nyo aku kiijo' i Yerusalem, to kapa-kapala nu imam ka' to pola-polaya' nu Yahudi nongkalaakmo mae na aha mian aijo' ka' nompoita da ku hukummo na ia.

SISIKON NU TO RASUL-RASUL 25:2

I kiijo' mae to kapa-kapala nu imam ka' to pola-polaya' nu Yahudi nompotoka hi ia palakala nu aha mongkona i Paulus. Aha saja'mo monsale'i i Festus

1 KORINTUS 2:1

To Utu-utus! Tempo'nyo aku tinoka hi komiu ka' nompolele hi komiu mongkona tanga'an nu Tumpu anu ma'isa sinumbu' nu dunia aiya, aku madi' mompake kapandean nu dunia aiya, kabai basisik nu potatae anu toto ima-ima' anu ola momposanang bihing.

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.