SISIKON NU TO RASUL-RASUL 23:9 - KITAB NU TUMPU ALLA LELE MA'IMAI'

⁹ Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”

SISIKON NU TO RASUL-RASUL 23:9 ပူးပေါင်းရင်းမြစ်များ

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

YEREMIA 26:16

Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

MARKUS 2:16

To pia-piangkuka na gulu' agama gampa nu aha mian nu Farisi nontoa i Yesus mongkaan hingga-hinggat tiba anu saja' montage hasin ka' to mia-mian anu osangka madi' ma'ima' aijo'. Jadi aha nompokilawa hi anu saja' mombatuki Yesus, “Kadaka' gulu'um mongkaan hingga-hinggat tiba anu saja' montage hasin ka' to mia-mian anu madi' ma'ima' aijo'?”

LUKAS 23:22

Lantas kinopintolunnyo i Pilatus notatae daka-daka' hi aha, “Panyo apaa na kasala'an-Nyo? Aku madi' nohumpak sangahan pe'e na kasala'an hi Ia anu patut o hukum nu hukuman mate! Ku dokeje na Ia, lantas opolapasakonmo na Ia.”

LUKAS 23:4

Lantas koonyo i Pilatus hi kapala nu to ima-imam, ka' hi mian da'isan aijo', “Aku madi' nohumpak sa'angu' pe'e na kasala'an hi Mian aiya, da o hukum na Ia.”

LUKAS 5:30

To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

YOHANES 12:29

Mian da'isan anu i kiijo' nohongo potatae aijo'. Aha nontaloakon, “Aijo' gohung!” Panyo daagi' mule' ko anu notatae, “Misa'! Malaekat na notatae hi Ia!”

SISIKON NU TO RASUL-RASUL 11:17

Jadi hondo-hondomo Tumpu mombee'i suele hi to mia-mian anu madi' bala agama Yahudi aijo', anu o bee' pokakana tiba anu binee'-Nyo hi kita tempo'nyo kita pinalesayamo hi Tumpu Yesus Kristus. Kalana aijo', te toho' mule' aku montewa' Tumpu!”

SISIKON NU TO RASUL-RASUL 22:6

“Tempo'nyo aku hau-haunyo i lumajang ka' ohanimo toka i Damsyik, tempo'nyo aitu sinaa sonsu'unmo, daagi' ko sahaya anu majingka hondo monti-montiik tinolopinjitmo lengkat mae i langit titiikub hi belengku.

SISIKON NU TO RASUL-RASUL 22:7

Aku notua' i tano' lantas aku nohongo ko potatae nontaeakon hi belengku, ‘Saulus, Saulus! Kadaka' beleyum monsakisa Aku?’

SISIKON NU TO RASUL-RASUL 23:29

Padahan ia madi' nombau apa-apaa anu pantas o hukum nu hukuman mate kabai o talungku'. Pontuukan nu aha hi ia ola ahi' anu ko sangkutannyo tiba atulan-atulan i posi agama nu aha.

SISIKON NU TO RASUL-RASUL 23:8

Kalana to mia-mian nu Saduki ko pikilan, saba' mian mate madi'mo po'ule' tumuu', saba' madi' ko malaikat, ka' madi' suele ko to roh-roh, panyo mian nu Farisi anu palesaya iwi-iwi' aijo' daagi'.)

SISIKON NU TO RASUL-RASUL 25:25

Panyo aku madi' nongkabot apa-apaa pe'e anu binaunyomo, da timbali o hukum nu hukuman mate. Ka' kalana pinosi poitanyomo na palakalanyo o putusi i pomputusian nu Kaisar, aku nontantukanmo da momboa ia hi Kaisar.

SISIKON NU TO RASUL-RASUL 26:31

Salatan i sambiha'nyomo aha notataemo samian ka' samian, “Mian aiya madi' nombau apa-apaa anu pantas o hukum nu hukuman mate kabai o talungku'.”

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

1 SAMUEL 12:5

Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.

1 SAMUEL 24:17

Noko taloakon na i Daud potataenyo aijo', notataemo na i Saul, “Tebeleyumo atina' na i Daud anakku?” Lantas i humangmo na ia.