SISIKON NU TO RASUL-RASUL 23:6 - KITAB NU TUMPU ALLA LELE MA'IMAI'

⁶ I Paulus nontoa saba' sambagian aijo' na to pangka-pangkat nu Mian Kopian Daka' nu Agama aijo', aitumo lengkat hi to mia-mian nu Saduki ka' sambagian mule' lengkat hi aha to mia-mian nu Farisi. Kalana aijo' ia notatae hi Mian Kopian Daka' nu Agama aijo', “To Utu-utus! Aku mian nu Farisi, lee' nu mian Farisi. Aku pinutusanmo i aiya kalana aku palesaya saba' to mia-mian mate po'ule' opotumuu'.”

SISIKON NU TO RASUL-RASUL 23:6 ပူးပေါင်းရင်းမြစ်များ

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 22:23

I sinaa aitu mule' to pia-piangkuka na mian nu Saduki tinokamo hi Yesus. Aha mian anu mongakui, saba' mian mate madi' mo mompo'ule' tumuu'.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

SISIKON NU TO RASUL-RASUL 22:30

Kapala nu suludadu nu Roma aijo' kahanda' hondo monsumbu' apaa na sahondo-hondonyo anu monsabapi to mia-mian Yahudi mompisala'i i Paulus. Mokonyo aitu dodododopnyo ia nolaga to kapa-kapala nu imam ka' Mian Kopian Daka' nu Agama da sihuuk. Lantas i Paulus ilapasakonmo madi'mo pinungu, lapas aijo' binoamo mangadap hi aha iwi-iwi'.

SISIKON NU TO RASUL-RASUL 22:5

Posi Imam Daka', ka' iwi-iwi' Mian Kopian Daka' nu Agama nonsakisimo aku madi' baleko'. Kalana ahamo aijo' na anu nombee'imo aku sulat katalangan anu pinotoka hi to mia-mian nu Yahudi i Damsyik. Tiba sulat aijo', aku timbali mohakop i kiijo' mae to mia-mian anu palesaya i ajalan aijo', ka' nomboa aha nokiijo' i Yerusalem, da i hukum.”

SISIKON NU TO RASUL-RASUL 23:1

I Paulus nontonto'i to pangka-pangkat nu Mian Kopian Daka' nu Agama aijo', lantas notatae, “To Utu-utusku! Toka sinaa aiya aku madi' mongoa'i ko sala'nyo hi Tumpu i uno nu kinyonyoangku mongkona kantumuu'anku.”

SISIKON NU TO RASUL-RASUL 23:15

Jadi, uuka to Utu-utus tiba to pangka-pangkat Mian Kopian Daka' nu Agama tionyo mompakatu sulat hi kapala nu pasukan nu Roma aijo', mompoita ia da momboa i Paulus minsusule' mae mangadap hi komiu, au'aitu komiu mongka'oho'mo poule' mompalesa pe'e palakalanyo totu-totu'u. Ka' kami sinadiamo mompatei ia ma'isa pe'e toka mae aiya.”

SISIKON NU TO RASUL-RASUL 23:20

Tinaaman nu olitau aijo, “To mia-mian nu Yahudi sinangaja'mo mompoita hi kita Tuan da nomboa i Paulus mangadap hi Mian Kopian Daka' nu Agama dodop, au'aitu aha poule' mompalesa pe'e palakalanyo totu-totu'u.

SISIKON NU TO RASUL-RASUL 23:7

Salatan notatae sumo aijo', to mia-mian nu Farisi ka' to mia-mian nu Saduki aijo' nontampu'unimo pinainggaga, sahingga anu momputusi aijo' noobagimo tinimbalimo ohua' na gombuan. (

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

SISIKON NU TO RASUL-RASUL 24:21

Anu i humpak nu aha ola potatae sa'angu' aiya, anu tinaloakonku i ahop nu aha, aijo'mo potatae: Aku ingulus sinaa aiya kalana aku palesaya saba' to mia-mian mate po'ule' opotumuu'.”

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

FILIPI 3:5

Aku sinunatmo salatan umun ingialun sinaamo. Aku i hampe sumo mian nu Israel, lengkat mae lee' i Benyamin; aku mian nu Ibrani totu-totu'u. I uno nu han tulu-tulutan i atulan nu agama Yahudi, aku minsoop i tompuk nu Farisi.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.