SISIKON NU TO RASUL-RASUL 23:35 - KITAB NU TUMPU ALLA LELE MA'IMAI'

³⁵ ia notatae, “Ma'ima'mo! Ku palesaje na palakalaum, de to mia-mian anu nongkalaak beleyum tokamo i aiya.” Lantas ia nompalentahkon da i Paulus opojoong i laigan daka' hi Herodes.

SISIKON NU TO RASUL-RASUL 23:35 ပူးပေါင်းရင်းမြစ်များ

SISIKON NU TO RASUL-RASUL 23:30

Lapas aitu daagi' ko anu nompoto'i aha daagi' ko tanga'an anu ma'idek nu to mia-mian nu Yahudi kona hi ia. Jadi aku balo nomboa ia hi kita Tuan Gubernur. Ka' aku nompokaumo aha anu montutuk ia momboa palakala anu tinuukakonnyo toka hi kita Tuan.”

SISIKON NU TO RASUL-RASUL 25:16

Panyo aku nontaami saba' mian nu Roma madi' saintolo-tolo mombee'mo mian anu tinuuk da o hukum, de anu tinuuk aijo' ma'isa mompaha ahop tiba anu mongkalaak ia ka' obee'i kasampatan da montalangkan kahondoan nu butongnyo.

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

SISIKON NU TO RASUL-RASUL 24:22

Lantas i Feliks anu monsumbu'mo manjoo' na pangajalan mongkona i Yesus, madi'mo nonginsuhakon ulusan nu palakala aijo'. “Ku putusimo na palakala aijo',” tukoonyo, “de i Lisias kapala nu suludadu tokamo.”

SISIKON NU TO RASUL-RASUL 24:19

Ola aha to pia-piangkuka na mian nu Yahudi i kiijo' mae lengkat i Provinsi Asia. Aha na sabenannyo toka i aiya mompotoka palakala nu aha mongkona aku hi kita Tuan, de aha daagi' ko apa-apaa anu okalaakakon mongkona aku.

SISIKON NU TO RASUL-RASUL 24:10

Lantas i gubernur aijo' nombee'i tanda hi Paulus, da ia timbali motatae. Sahingga i Paulus notatae, “Kusumbu' na kita Tuan tinimbalimo mian kopian nu lipu' aiya binataun-taunmo na ko pinnyo. Mokonyo aijo' aku mongoa'i sanang na mombee' katalanganku aijo' i ahop nu kita Tuan.

SISIKON NU TO RASUL-RASUL 24:1

Kino liman sinaanyomo, i Imam Daka' Ananias ka' to pola-polaya' nu Yahudi nambamo i Kaisarea tiba samian pabisala sanggonyo i Tertulus. Aha nangadap hi Gubernur Feliks ka' nompotoka palakala mongkona i Paulus.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

YEREMIA 38:13

Lantas ihela'mo nu aha na aku da osabatakonmo lengkat i bubung aijo'. Lantas aku tinahanmo ipopasan nu laigan nu tomundo'.

SISIKON NU TO RASUL-RASUL 24:23

Lantas ia nompalentahkon suludadu anu mangaku montoa i Paulus aijo' da tataap otalungku' na i Paulus, panyo mombee'i sangkiding kaloasan hi ia ka' mompobee' to sanga-sangalunyo mombee'i ia apaa na anu nu palalui.