SISIKON NU TO RASUL-RASUL 23:19 - KITAB NU TUMPU ALLA LELE MA'IMAI'

¹⁹ Kapala nu suludadu aijo' nontoongi lima nu olitau aitu, lantas nomboa ola posi ia i sohipi' ka' nompokilawa, “Apaa na ka'oho' nupoto'i hi belengku?”

SISIKON NU TO RASUL-RASUL 23:19 ပူးပေါင်းရင်းမြစ်များ

NEHEMIA 2:4

Pinokilawamo i tomundo', “Jadi, apaamo na anu nu ka'ima'i?” I uno nu kinyonyoangku, aku binalado'amo hi Tumpu Allah anu daka' na kuasanyo kiita' i suluga',

ESTER 5:3

Lantas pinokilawamo i tomundo, “Mosia Bengkele'ku? Apaa na anu nu kahanda'i? Poto'i mae. Mau mintonga' na kalaja'anku na nu poita ku bee'mo.”

ESTER 7:2

Hau-haunyo nonginumo anggur, i tomundo nompokilawa mule' hi Ester, “Yo mosia, Bengkele'ku, apaamo na anu nu kahanda'i? Poto'imo mae! Apaa na anu nupoita tionyo ku bee'mo, maumo anu nu poita aijo' mintonga' na kalaja'anku.”

ESTER 9:12

Koonyo i tomundo hi Ester Bengkele'nyo, “Ola pe'e i kota' Susan 500 mo na mian na pinatean nu mian Yahudi, tibamo anak i Haman aha sampulu'. Tantu lebe manjoo' mule' na kiijo' mae i propinsi-propinsi! Pa' apaamo na binau nu aha kiijo' mae! Jadi daagi' apaa na nu poita uuka? Poto'imo mae nuhumpakmo na anu nu poita!”

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

MARKUS 10:51

“Apaa na nuka'ima'i Kubau hi beleyum?” koonyo i Yesus hi ia. Mian mapisok aijo' nontaami, “Tuumangku Gulu', aku mongkahanda'i montoa.”

MARKUS 8:23

Sahingga i Yesus nontoongi lima nu mian mapisok aijo' ka' nontaka' ia i sambiha' nu kota aijo'. Lapas aijo' i Yesus nontupe'i mata nu mian aijo'. Ia nompanya nu lima-Nyo mata nu mian aijo', lantas nompokilawa hi ia, “Moko toamo apa-apaa na beleyum uuka aiya?”

MARKUS 9:27

Panyo i Yesus nontoongi limanyo ka' nontulungi ia nobula. Anak aijo' nobulamo.

YOHANES 18:12

Lantas to sulu-suludadu Romawi tiba kamundannyo, ka' ponjaga-ponjaga nu Yahudi nohakopmo ka' nompungu i Yesus.

SISIKON NU TO RASUL-RASUL 17:19

Lantas aha nomboa i Paulus nokiijo' i pogombuan i Bungkut nu Areopagus. I kiijo' mae aha notatae hi ia, “Kami kahanda' monsumbu' pangajalan anu bu'ou anu pinolele nu beleyum aijo'.

SISIKON NU TO RASUL-RASUL 23:18

Suludadu aijo' nomboa olitau aijo' hi kapala nu suludadu ka' notatae, “I Paulus, anu tinalungku' aijo' nolaga aku, ka' mompoita aku momboa olitau aiya hi Kita Tuuma; ia ka'oho' mompotoka apa-apaa.”

SISIKON NU TO RASUL-RASUL 23:20

Tinaaman nu olitau aijo, “To mia-mian nu Yahudi sinangaja'mo mompoita hi kita Tuan da nomboa i Paulus mangadap hi Mian Kopian Daka' nu Agama dodop, au'aitu aha poule' mompalesa pe'e palakalanyo totu-totu'u.