SISIKON NU TO RASUL-RASUL 23:18 - KITAB NU TUMPU ALLA LELE MA'IMAI'

¹⁸ Suludadu aijo' nomboa olitau aijo' hi kapala nu suludadu ka' notatae, “I Paulus, anu tinalungku' aijo' nolaga aku, ka' mompoita aku momboa olitau aiya hi Kita Tuuma; ia ka'oho' mompotoka apa-apaa.”

SISIKON NU TO RASUL-RASUL 23:18 ပူးပေါင်းရင်းမြစ်များ

LUKAS 7:40

Lantas i Yesus notatae hi Simon, “Simon, daagi' ko apa-apaa anu ka'oho' Kutaloakon hi beleyum.” “Ii', Tuumangku Gulu',” tinaaman i Simon, “taloakonmo.”

YOHANES 18:12

Lantas to sulu-suludadu Romawi tiba kamundannyo, ka' ponjaga-ponjaga nu Yahudi nohakopmo ka' nompungu i Yesus.

SISIKON NU TO RASUL-RASUL 16:25

Kila-kila tonga' pahu, i Paulus ka' i Silas hau-haunyo balado'a ka' nonyanyi mompuji-puji' Tumpu. To mia-mian nu talungku' sangga'at hau-haunyo mompotombihing aha manyanyi.

SISIKON NU TO RASUL-RASUL 23:17

Lantas i Paulus nolaga samian na suludadu ka' notatae hi ia, “Boa na olitau aiya hi kapala nu suludadu; ia mongka'oho' mompotoka apa-apaa hi ia.”

SISIKON NU TO RASUL-RASUL 23:19

Kapala nu suludadu aijo' nontoongi lima nu olitau aitu, lantas nomboa ola posi ia i sohipi' ka' nompokilawa, “Apaa na ka'oho' nupoto'i hi belengku?”

SISIKON NU TO RASUL-RASUL 27:1

Salatan pinutusanmo kami tionyo talabutmo mokiijo' i Italia, i Paulus tiba to pia-piangkuka na mian sangga'at anu tinalungku' binee'mo hi Yulius, kapala nu pasukan suludadu nu Roma anu osanggohi “Pasukan i Kaisar”.

SISIKON NU TO RASUL-RASUL 28:17

Salatan tinolun sinaamo, i Paulus nolagamo to tu'a-tu'anyo mian nu Yahudi i tampat aijo'. Ka' salatan sinihukmo na aha, ia notataemo hi aha, “To Utu-utus! Aku madi' ko sala' apa-apaa hi bansanto, kabai noolanggaimo adat kabiasa'an anu tinalima lengkat mae hi mompolee'to. Mau sumo aitu aku i hakop i Yerusalem ka' binee' hi to mia-mian nu Roma.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

FILEMON 1:9

Panyo kalana aku mongkalibosi kita Utus, aku ola ahi' momoita. Aku aiya samian na tu'anyo ka' uuka aiya hau-haunyo i unomo nu talungku', kalana i Kristus Yesus.