SISIKON NU TO RASUL-RASUL 23:16 - KITAB NU TUMPU ALLA LELE MA'IMAI'

¹⁶ Panyo anak nu utus boune i Paulus nohongo sale' nu posa'angu'an tanga' aijo'. Sahingga ia namba nokiijo' i kajojoongan nu suludadu ka' nompoto'iakon han aijo' hi Paulus.

SISIKON NU TO RASUL-RASUL 23:16 ပူးပေါင်းရင်းမြစ်များ

2 SAMUEL 17:17

Tempo'nyo aitu i Yonatan anak i Abyatar tiba i Ahimaas anak i Zadok nontanda'imo koko mata nu uee En-Rogel, isohipi' nu kota' Yerusalem. Aha madi' baani na minsoop i kota' kalana mabuhuk na nu toa nu mian. Susumo anu saja'mo obau samian na posaihon boune mompotoka lele hi aha da tionyo ahi' opoto'i hi Tomundo' Daud.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

AMSAL 24:15

Boli sumo mian anu ma'idek na kinyonyoanyo anu mosa'angu' mombulingi mian anu madi' tageo' na kinyonyoanyo ka' mongagoi laigannyo.

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

SISIKON NU TO RASUL-RASUL 21:34

Sambagian na mian da'isan aijo' nontaami sumo uuka, ka' sambagian mule' nontaami sumo aijo'. Bau-baunyo anu kinalangkabutmo sumo aijo', sahingga kapala nu suludadu aijo' madi' noko ala nonsumbu' pa' apaa na anu tinimbali. Mokonyo aijo' pinalentahkonnyo da i Paulus o boa mokiijo' i tampat jojoongan nu suludadu.

SISIKON NU TO RASUL-RASUL 21:37

Salatan mongka'oho'mo minsoop i uno nu tampat kajojoongan nu suludadu, i Paulus notataemo hi kapala nu suludadu aijo', “Pa' timbali na aku basisik sasaingoni' tiba kita Tuan?” “Apaa beleyum timbali mobasa' Yunani?” pinokilawa nu kapala nu suludadu aijo'.

SISIKON NU TO RASUL-RASUL 23:10

Pinainggagaan aijo' tinimbalimo dinaka' hondo, sahingga kapala nu suludadu aijo' nabuhukmo boli-boli i Paulus nupateimo nu aha. Jadi ia nonsai pasukannyo namba nongala i Paulus i totonga' nu to mia-mian aijo' ka' nomboa ia nokiijo' i kajojoongan nu suludadu aijo'.

SISIKON NU TO RASUL-RASUL 23:17

Lantas i Paulus nolaga samian na suludadu ka' notatae hi ia, “Boa na olitau aiya hi kapala nu suludadu; ia mongka'oho' mompotoka apa-apaa hi ia.”

SISIKON NU TO RASUL-RASUL 23:32

Dodododopnyo aha nompobee'mo pasukan anu sinumake' i ajahan molausakon lajang nu aha tiba i Paulus ka' aha mule' ninsusule'mo i kajojoongan nu suludadu.

SISIKON NU TO RASUL-RASUL 24:23

Lantas ia nompalentahkon suludadu anu mangaku montoa i Paulus aijo' da tataap otalungku' na i Paulus, panyo mombee'i sangkiding kaloasan hi ia ka' mompobee' to sanga-sangalunyo mombee'i ia apaa na anu nu palalui.

1 KORINTUS 3:19

Kalana anu osangka pande nu dunia, aijo' ponga' de Tumpu Allah na montoa. I uno nu Kitab nu Tumpu tinulismo, “Tumpu Allah mohakop to mia-mian pande i kapandean nu aha.”