SISIKON NU TO RASUL-RASUL 23:12 - KITAB NU TUMPU ALLA LELE MA'IMAI'

¹² Subu-subu dodododopnyo, to mia-mian Yahudi nontampu'unimo nomposa'angu' tanga'an. Aha binasumpa'mo madi' mongkaan kabai monginum de aha ma'isa pe'e mompatei i Paulus.

SISIKON NU TO RASUL-RASUL 23:12 ပူးပေါင်းရင်းမြစ်များ

KAJADIAN 37:18

Daagi' jo'o-jo'on tinoamo mae nu aha na i Yusuf, ka' ma'isa pe'e ia tinoka hi aha, aha sinangaja'mo kahanda' mompateimo ia.

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

2 TOMU-TOMUNDO' 6:31

I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

ESTER 2:22

Tanga'an nu aha aijo' sinumbu'mo i Mordekhai sahingga sampamo pinoto'inyo hi Ester. Sangkinihap na i Ester nonsisik hi tomundo apaa na anu sinumbu'mo i Mordekhai aijo'.

MAZMUR 31:13

Aku kinolilimanmo susumo mian anu sinilakamo, ka' mule' tinimbalimo susumo balang anu ingalinmo.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

IMAMAT 27:29

Maumo manusia anu samata-mata obee'mo hi Tumpu da osilakaimo madi' timbali otobus ia tionyo ahi' opateimo.

MATIUS 26:4

Aha binasale'mo da mohakopmo i Yesus hoko-hokot, ka' mompatei Ia.

MATIUS 26:74

Lantas i Petrus nomulaimo binasumpa-sumpa' ka' notatae, “Aku madi' monsumbu' mian aijo'!” Tempo'nyo aitu mule' manuk nintutuhu'mo.

MATIUS 27:25

Iwi-iwi' na mian da'isan aijo' nontaami, “Ii', pojohokmo da kamimo na montanggung ka' to ana-anak mami hukuman lantalan la silakamo!”

SISIKON NU TO RASUL-RASUL 23:13

Molabi patompulu' na mian anu nomposa'angu'mo tanga'an aijo'.

SISIKON NU TO RASUL-RASUL 23:14

Aha namba hi kapala nu to imam-imam ka' to pola-polaya' nu Yahudi ka' notatae, “Kami binasumpa'mo hingga-hinggat, madi' mongkaan kabai monginum apa-apaa de kami ma'isa mompatei i Paulus.

SISIKON NU TO RASUL-RASUL 23:21

Panyo boli kita Tuan montuluti poitaon nu aha aijo', kalana aha molabi patompulu' na mian anu hau-haunyo natisulukmo montumbuhi ia i jalan. Aha iwi-iwi' binasumpa'mo madi' mongkaan ka' monginum de ma'isa aha mompatei i Paulus. Uuka aha sinadiamo; me montanda'i pontaami nu kita Tuan.”

SISIKON NU TO RASUL-RASUL 23:30

Lapas aitu daagi' ko anu nompoto'i aha daagi' ko tanga'an anu ma'idek nu to mia-mian nu Yahudi kona hi ia. Jadi aku balo nomboa ia hi kita Tuan Gubernur. Ka' aku nompokaumo aha anu montutuk ia momboa palakala anu tinuukakonnyo toka hi kita Tuan.”

SISIKON NU TO RASUL-RASUL 25:3

da sanang na kinyonyoanyo hi aha, sahingga ia nompalentah mian momboa i Paulus mokiijo' i Yerusalem; kalana aha sinangaja'mo na sale' da mompateimo ia i tonga' nu jalan.

SISIKON NU TO RASUL-RASUL 9:23

Salatan tinompoliumo to pia-pia manga, to mia-mian Yahudi nomposa'angu'mo tanga'an da mompatei i Saulus.

SISIKON NU TO RASUL-RASUL 9:24

Panyo kahanda' nu aha sinumbu'nyomo. Sinaa pihi aha montanda'i i sabatan daka' nu kota da mompatei ia.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

2 KORINTUS 11:26

Toto minsan ilumambananku mompai silakamo: iyaba' mompai silakaimo, tololang mompai silakaimo, mian nu Yahudi kabai misa' mian nu Yahudi mompai silakaimo, mian i uno nu kota mompai silakaimo, ka' mule' mian anu i sambiha'nyo nu kota mompai silakaimo, ambai mompai silakaimo, ka' suele anu mompai silakai aijo'mo to mia-mian anu mangaku butongnyo salaku moto utus kalana bubuu' Kristen padahan misa'.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)

YOSUA 7:15

Lantas mian anu tinuminjo ka' sinumbu'mo nompo'una' to bala-balang anu madi' timbali o ala aijo' ia tionyo ahi' opapui hingga-hinggat tiba aha sangauwan tiba iwi-iwi' na anu nu aha; kalana iamo na anu madi' nompajuli palajanjian ka' nombaumo anu ma'idek hondo i uno nu aha mian nu Israel.”

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.