SISIKON NU TO RASUL-RASUL 23:11 - KITAB NU TUMPU ALLA LELE MA'IMAI'

¹¹ Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 23:11 ပူးပေါင်းရင်းမြစ်များ

MAZMUR 109:31

Kalana Ia montinjohi ka' momposalamat mian anu kasiasi da boli mohumpak hukuman mate anu nu nabu'akon mae nu aha hi ia.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

MATIUS 14:27

Panyo i Yesus lau-laus nontaami, “Potanang! Aku i Yesus. Boli mabuhuk!”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

YOHANES 14:18

Komiu Ku pala'i sausa' sumo anu unon tina tuuma. Aku minsusule'je mae hi komiu.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 2:25

Mongkona i Yesus aiya, i Daud toho'mo notatae, ‘Aku montoa Tumpu saja' i ahopku; Ia saja' i sohipi'ku, da aku madi' nugeleguda nu mau mule' apaa.

SISIKON NU TO RASUL-RASUL 20:22

Uuka aku mombatukimo palentah nu Roh nu Tumpu, mambamo mokiijo' i Yerusalem. Ka' aku madi' monsumbu' apaa na anu jadi' hi belengku kiijo' mae.

SISIKON NU TO RASUL-RASUL 22:15

Beleyum timbalimo sakisi da mompolele hi mian iwi-iwi' apaa na anu tinoamo nu beleyum ka' i hongomo.

SISIKON NU TO RASUL-RASUL 22:18

Aku nontoa Tumpu; Ia notatae hi belengku, ‘Palia-lia' pala'i na Yerusalem, sabab to mia-mian i aiya madi' montalima katalangan mongkona Aku.’

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

FILIPI 1:13

Ahennyo iwi-iwi' na anu monjagai laigan nu Tomundo tiba to mia-mian sangga'at i kota aiya nonsumbu'mo taalu' aku tinalungku' kalana aku mompojalan apaa na koonyo i Kristus.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.