SISIKON NU TO RASUL-RASUL 22:5 - KITAB NU TUMPU ALLA LELE MA'IMAI'5 Posi Imam Daka', ka' iwi-iwi' Mian Kopian Daka' nu Agama nonsakisimo aku madi' baleko'. Kalana ahamo aijo' na anu nombee'imo aku sulat katalangan anu pinotoka hi to mia-mian nu Yahudi i Damsyik. Tiba sulat aijo', aku timbali mohakop i kiijo' mae to mia-mian anu palesaya i ajalan aijo', ka' nomboa aha nokiijo' i Yerusalem, da i hukum.” အခန်းကိုကြည့်ပါ။ |
I Paulus nontoa saba' sambagian aijo' na to pangka-pangkat nu Mian Kopian Daka' nu Agama aijo', aitumo lengkat hi to mia-mian nu Saduki ka' sambagian mule' lengkat hi aha to mia-mian nu Farisi. Kalana aijo' ia notatae hi Mian Kopian Daka' nu Agama aijo', “To Utu-utus! Aku mian nu Farisi, lee' nu mian Farisi. Aku pinutusanmo i aiya kalana aku palesaya saba' to mia-mian mate po'ule' opotumuu'.”
Salatan tinolun sinaamo, i Paulus nolagamo to tu'a-tu'anyo mian nu Yahudi i tampat aijo'. Ka' salatan sinihukmo na aha, ia notataemo hi aha, “To Utu-utus! Aku madi' ko sala' apa-apaa hi bansanto, kabai noolanggaimo adat kabiasa'an anu tinalima lengkat mae hi mompolee'to. Mau sumo aitu aku i hakop i Yerusalem ka' binee' hi to mia-mian nu Roma.
Sahingga to rasul-rasul aijo' nombatukimo potuunon nu Malaikat aijo'. Daagi' subu-subu hondo aha nambamo nokiijo' i Laigan nu Tumpu ka' mulai nongajan i kiijo'. Hau-haunyo aitu imam daka' ka' anu saja' mombatuki ia tinokamo, lantas nombaumo putusan na Mian Kopian Daka' nu Agama tiba to pola-polaya' nu Yahudi. Lapas aijo' aha nonsaimo mian mamba mongala to rasul-rasul aijo' i uno nu talungku' da oboa mangadap hi aha.