SISIKON NU TO RASUL-RASUL 22:24 - KITAB NU TUMPU ALLA LELE MA'IMAI'

²⁴ Sahingga kapala nu suludadu nu Roma aijo' nonsai da i Paulus oboa mokiijo' i kajojoongan nu suludadu da ia opalesa i kiijo' totu-totu'u, da osumbu' apaa na sababnyo to mia-mian nu Yahudi moloboo' sumo aitu mongkona ia.

SISIKON NU TO RASUL-RASUL 22:24 ပူးပေါင်းရင်းမြစ်များ

YOHANES 19:1

Lapas aijo' i Pilatus ninsoop lantas nompokau mian nompohos i Yesus.

SISIKON NU TO RASUL-RASUL 16:37

Panyo i Paulus notatae hi to pangka-pangkat pulisi aijo', “Kami minsoop i layat nu negara Roma. Madi' pilenje o putusi, kami binala tobatmo i ahop nu mian da'isan ka' pinosoopmo i uno nu talungku'. Ka' uuka aha nompokaumo kami mamba hoko-hokot? Kami madi' mongka'oho'! Pokau mae na to pangka-pangkat pamalentah aijo' da aha na mosi toka mae i aiya monsabatakon kami.”

SISIKON NU TO RASUL-RASUL 21:34

Sambagian na mian da'isan aijo' nontaami sumo uuka, ka' sambagian mule' nontaami sumo aijo'. Bau-baunyo anu kinalangkabutmo sumo aijo', sahingga kapala nu suludadu aijo' madi' noko ala nonsumbu' pa' apaa na anu tinimbali. Mokonyo aijo' pinalentahkonnyo da i Paulus o boa mokiijo' i tampat jojoongan nu suludadu.

SISIKON NU TO RASUL-RASUL 21:37

Salatan mongka'oho'mo minsoop i uno nu tampat kajojoongan nu suludadu, i Paulus notataemo hi kapala nu suludadu aijo', “Pa' timbali na aku basisik sasaingoni' tiba kita Tuan?” “Apaa beleyum timbali mobasa' Yunani?” pinokilawa nu kapala nu suludadu aijo'.

SISIKON NU TO RASUL-RASUL 23:10

Pinainggagaan aijo' tinimbalimo dinaka' hondo, sahingga kapala nu suludadu aijo' nabuhukmo boli-boli i Paulus nupateimo nu aha. Jadi ia nonsai pasukannyo namba nongala i Paulus i totonga' nu to mia-mian aijo' ka' nomboa ia nokiijo' i kajojoongan nu suludadu aijo'.

SISIKON NU TO RASUL-RASUL 23:27

Mian aiya i hakopmo nu to mia-mian Yahudi, ka' me ise-ise' pinateanmo nu aha, de aku madi' tinoka tiba pasukanku ka' nomposalamat ia; kalana aku nohongo taalu' ia layat nu negara Roma.

SISIKON NU TO RASUL-RASUL 28:18

Salatan palakalangku pinalesamo, aha mongka'oho'mo mompobebas aku, kalana inyata'mo aku madi' nombau sa'angu' pe'e na kasala'an anu tionyo o hukum mate.

IBRANI 11:35

Kalana bala'iman, sahingga po'ule'mo i humpak nu to bou-boune na to mia-mian anu sinilakamo. Daagi' mule' ko anu i halala'mo na osakisa sampe sinilakamo, ka' madi'mo ko kahanda' opotumuu', kalana mongka'ima'imo po'ule' opotumuu' da mohumpak kantumuu'an anu lebe ma'ima'.