SISIKON NU TO RASUL-RASUL 22:14 - KITAB NU TUMPU ALLA LELE MA'IMAI'

¹⁴ Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

SISIKON NU TO RASUL-RASUL 22:14 ပူးပေါင်းရင်းမြစ်များ

2 TOMU-TOMUNDO' 21:22

Ia madi' tinumuu' nombatuki pongka'oho' nu Tumpu, aitu pe'e ia nohikumo Tumpu, Tumpu Allah anu sinombah nu mompolee'nyo.

1 TAWARIKH 12:17

I Daud nonsingkabotimo aha ka' nompoto'i, “De belemiu toka mae aiya kahanda' mosangalu montulungi aku otalima mami na belemiu sanang na kinyonyoa mami montalima belemiu. Panyo de belemiu ko kahanda' toka mae da monsilakaimo aku hi sampo bali'ku, maumo aku madi' nombau anu ma'idek hi belemiu, Tumpu Allah anu osombah nu mompolee'to na monsumbu' ka' mule' Ia na mohukum belemiu.”

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

2 TAWARIKH 28:25

I batu-batu kota' ka kampung toto ise-ise' hi aha Yehuda ia nombaumo tampat anu lewa' ponsomban pilogot ka' pompapuian kamangian anu osombahkon hi to pilo-pilogot nu bansa sangga'at. Kalana ia nombaumo anu sumo aijo', sahingga Tumpu, Tumpu Allah nu mompolee'nyo nontambuha'imo ia.

2 TAWARIKH 30:19

“O Tumpu, Tumpu Allah anu nusombah nu mompolee' mami, otaha'imani mami na kanonongan nu kinyonyoa nu Belento mongampuni aha anu hau-haunyo monsombah belento totu-totu'u na kinyonyoanyo, maumo aha ma'isa nomposusi' butong nu aha.”

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

DANIEL 2:23

O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

SISIKON NU TO RASUL-RASUL 13:17

Tumpu bansa Israel nompile'imo mompolee'to, ka' nompotimbalimo bansa aiya bansa anu daka' tempo'nyo aha jinojoong i Mesir salaku mian anu isalipu'an. Lapas aitu tiba kuasa anu daka' Tumpu nomboa aha nosabat lengkat i Mesir.

SISIKON NU TO RASUL-RASUL 22:15

Beleyum timbalimo sakisi da mompolele hi mian iwi-iwi' apaa na anu tinoamo nu beleyum ka' i hongomo.

SISIKON NU TO RASUL-RASUL 22:18

Aku nontoa Tumpu; Ia notatae hi belengku, ‘Palia-lia' pala'i na Yerusalem, sabab to mia-mian i aiya madi' montalima katalangan mongkona Aku.’

SISIKON NU TO RASUL-RASUL 24:14

Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

SISIKON NU TO RASUL-RASUL 26:16

Bulaamo ka' tinjo! Aku nompotoamo butong-Ku hi beleyum ko kahanda' da mongangkat beleyum timbali posaihon-Ku. Beleyum tionyo mompoto'i hi mian sangga'at, apaa na tinoaum sinaa aiya mongkona Aku, ka' mongkona apaa na Ku poto'ije hi beleyum saidi' mae i tempo' anu tokaje mae.

SISIKON NU TO RASUL-RASUL 5:30

I Yesus anu sinalibmo miu, po'ule'mo pinotumuu' nu Tumpu Allah i kapateannyo, aijo'mo Tumpu nu mompolee'to.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;

1 KORINTUS 15:8

Pupuusnyomo hondo Ia nompotoa butongnyo suele hi belengku – aku anu susumo bungamea' i hampe misa' pe'e tempo'nyo!

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 1:12

Aku madi' nontalima lele aijo' lengkat hi manusia, ka' madi' ko samian pe'e na nongajanakon hi belengku. Posi i Yesus Kristus na nontaloakon isinyo nu Lele Ma'ima' aijo' hi belengku.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

TITUS 1:1

Anakku i Titus! Aku i Paulus nontulis sulat aiya salaku posaihon nu Tumpu ka' rasul i Yesus Kristus. Aku pinile'anmo ka' sinai da montulungi to mia-mian anu pinile'anmo nu Tumpu da timbali mahoson i kapalesaya'an nu aha. Aku mule' tionyo molaya' aha da monsumbu' pangajalan anu totu'u, anu ingajalakonmo nu agamanto.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.