SISIKON NU TO RASUL-RASUL 21:39 - KITAB NU TUMPU ALLA LELE MA'IMAI'

³⁹ Tinaaman i Paulus, “Aku mian nu Yahudi; aku layat nu kota' Tarsus, kota' anu talasanggo i Kilikia. Tulungi pobee' mae na aku motatae hi mian haha aijo'.”

SISIKON NU TO RASUL-RASUL 21:39 ပူးပေါင်းရင်းမြစ်များ

SISIKON NU TO RASUL-RASUL 15:23

Hingga-hinggat tiba anu sinai aijo', aha mule' nompakatumo sa'angu' na sulat anu onyi'nyo sumo uuka, “Toka hi iwi-iwi' na to utu-utus anu nolengkat mae i to bansa-bansa sangga'at anu misa' Yahudi, anu jojoong i Antiokhia, i Siria ka' i Kilikia. Salan do'a mami, to rasul-rasul, ka' to pola-polaya', aijo'mo to utu-utus miu.

SISIKON NU TO RASUL-RASUL 15:41

Aha nontikubi Siria ka' Kilikia; i kiijo' mae aha nompokododomo to jama-jama'at.

SISIKON NU TO RASUL-RASUL 16:37

Panyo i Paulus notatae hi to pangka-pangkat pulisi aijo', “Kami minsoop i layat nu negara Roma. Madi' pilenje o putusi, kami binala tobatmo i ahop nu mian da'isan ka' pinosoopmo i uno nu talungku'. Ka' uuka aha nompokaumo kami mamba hoko-hokot? Kami madi' mongka'oho'! Pokau mae na to pangka-pangkat pamalentah aijo' da aha na mosi toka mae i aiya monsabatakon kami.”

SISIKON NU TO RASUL-RASUL 21:37

Salatan mongka'oho'mo minsoop i uno nu tampat kajojoongan nu suludadu, i Paulus notataemo hi kapala nu suludadu aijo', “Pa' timbali na aku basisik sasaingoni' tiba kita Tuan?” “Apaa beleyum timbali mobasa' Yunani?” pinokilawa nu kapala nu suludadu aijo'.

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

SISIKON NU TO RASUL-RASUL 23:27

Mian aiya i hakopmo nu to mia-mian Yahudi, ka' me ise-ise' pinateanmo nu aha, de aku madi' tinoka tiba pasukanku ka' nomposalamat ia; kalana aku nohongo taalu' ia layat nu negara Roma.

SISIKON NU TO RASUL-RASUL 23:34

Noko basa' na i gubernur sulat aijo' ia nompokilawamo hi Paulus, lengkat mae iya na pinolengkatanum. Salatan sinumbu'nyo taalu' i Paulus nolengkat mae i Kilikia,

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

SISIKON NU TO RASUL-RASUL 9:11

Tumpu notatae, “Donganmo mamba uuka aiya. Lako'mo mokiijo' hi laigan i Yudas i Jalan anu Hodi'. Pokilawa kiijo' mae hi mian anu sanggonyo i Saulus nolengkat mae i kota Tarsus. Mian aijo' hau-haunyo balado'a,

SISIKON NU TO RASUL-RASUL 9:30

Salatan to mia-mian palesaya sangga'atannyo nonsumbu'mo mongkona han aijo', aha nomboa i Saulus nokiijo' i Kaisarea, lapas aitu nonsai ia nokiijo' i Tarsus.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.