SISIKON NU TO RASUL-RASUL 21:24 - KITAB NU TUMPU ALLA LELE MA'IMAI'

²⁴ Jadi, mambamo ahi' na kita Utus mombau baunyo nu adat momposusi' butong hingga-hinggat tiba aha, ka' bayan nakon na ongkos nu aha da ubak nu aha timbali o kis. Tiba anu sumo aitu nu nyata'je nu iwi-iwi' mian saba' apaa na anu i hongo nu aha mongkona kita Utus madi' totu'u, kalana posi kita Utus suele monjalanakon ahi' atulan i Musa.

SISIKON NU TO RASUL-RASUL 21:24 ပူးပေါင်းရင်းမြစ်များ

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

AYUB 41:25

De ia tuminjomo mian anu baani maid'mo ko kabaniannyo, timbalimo lundeng kalana talalomo hondo nabuhuk.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 19:14

Lapas aitu i Musa nintatau'mo mae lengkat i bungkutnyo ka' nompokaumo mian haha aijo' da mosadiamo monsombah. Ia notatae, “Hipuan komiu tionyo ahi' montanda'imo, ka' hau-haunyo uuka aiya belemiu ma'isa timbali moduhus.” Lantas bansa aijo' nontampu'unimo binasadia ka' nombaso'imo hude nu aha.

NOMBILANGMO 6:13

De tempo' nu samian anu binalaniatmo ilapasmo, tionyo ahi' obau na atulannyo sumo aiya. Mian aijo' tionyo ahi' oboa i sabatan nu Kemah nu Tumpu

NOMBILANGMO 6:18

Mian anu binalaniatmo aijo' tionyo ahi' mongkismo ubaknyo i sabatan nu Kemah nu Tumpu, ka' o alin mokiijo' i apu tampat nu koloban bau pompodame aijo' anu hau-haunyo pinotunumo.

NOMBILANGMO 6:5

De daagi' hau-haunyo ia mompojalan niatnyo, ia madi' timbali monggunting ubaknyo kabai o kis. Hau-haunyo aijo' ubaknyo ka' jangkutnyo opojohokmo da tumuu' mantan. Ia sabole-bole montoongi niatnyo sampe mingkotje na tempo'nyo ia binalaniat mokalaja samata-mata hi Tumpu.

NOMBILANGMO 6:9

De ubaknyo nu mian anu binalaniatmo mokalaja samata-mata hi Tumpu nahumimi'mo kalana ia nati ohanimo hi mian anu monti-montiik ahi' sinilakamo, saba' ia tionyo ahi' montanda'i pitun sinaa na kopinnyo; lapas aijo' ia tionyo ahi' mongkismo ubaknyo ka' jangkutnyo, atina'je ka' ia belesi'mo.

YOHANES 11:55

Tempo'nyo aitu ohanimo na Sinaa Daka' Paskah Yahudi. Da'isan na mian nolengkat mae i kampung ise' nambamo i Yerusalem mombau adat mombaso'i butong da ma'isa pe'e lamean aijo' toka.

YOHANES 3:25

Toto sangga'at anu saja' mombatuki Yohanes, nontampu'unimo pinainggaga tiba mian nu Yahudi mongkona atulan nu mompobelesi' butong.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

SISIKON NU TO RASUL-RASUL 21:26

Sahingga i Paulus namba tiba aha opat na mian aijo' lantas nombau adat momposusi' butong nohingga-hinggat tiba aha dodododopnyo. Lapas aijo' aha ninsoop nokiijo' i Laigan nu Tumpu da mompoto'i saba' daagi' to pia-pian sinaa atina'je ka' adat momposusi' aijo' mingkotmo ka' koloban nu aha toto samian o sombahkonmo.

SISIKON NU TO RASUL-RASUL 24:18

Tempo'nyo aku hau-haunyo monjalanakon aijo', aha nontokai aku i Laigan nu Tumpu, salatan aku ilapasmo nombau adat pomposusi' butong. Madi' ko mian da'isan hingga-hinggat aku, ka' madi' mule' ko kahengge'an i kiijo' tempo'nyo aitu.

1 KORINTUS 9:20

Toka hi aha mian nu Yahudi, aku sumo mian nu Yahudi, da aku moko ala mohumpak mian nu Yahudi palesaya hi Kristus. Toka hi to mia-mian anu tumuu' mombatuki atulan i Musa, aku montiho susumo au'aitu aku mintoong i atulan aijo', mau mule' aku sabenannyo madi' ahi' mompintoongi atulan aijo'. Kubau na aijo' da aku timbali mongendei aha mombatuki i Kristus.

GALATIA 2:12

Momonanyo ia sinumuhang mongkaan hingga-hinggat tiba to Utu-utus anu misa' Yahudi. Panyo salatan to mia-mian anu sinai mae i Yakobus tinokamo, ia madi'mo nosangalu tiba to Utu-utus anu misa' Yahudi ka' madi'mo mongka'oho' mongkaan tiba aha, kalana nabuhukmo hi to mia-mian anu mongka'oho' da iwi-iwi' na mian o sunat.

TO MIA-MIAN KOPIAN 13:5

De anak nu beleyum aijo' hampemo, boli hondo-hondo o gunting na ubaknyo kalana i uno pe'e nu ma'alum ia tinantukanmo da mombau anu nupalentahkon nu Tumpu. Ia na montinjohakon da mompobebas aha bansa Israel da bolimo nukuasai nu mian Filistin.”