SISIKON NU TO RASUL-RASUL 21:22 - KITAB NU TUMPU ALLA LELE MA'IMAI'

²² Uuka to mia-mian Yahudi anu pinalesayamo aijo' tantu mohongoje taalu' kita Utus tinokamo i aiya. Jadi, mosia uuka?

SISIKON NU TO RASUL-RASUL 21:22 ပူးပေါင်းရင်းမြစ်များ

SISIKON NU TO RASUL-RASUL 15:12

Sahingga nomohokot na iwi-iwi' mian anu balagombu i kiijo'. Lapas aitu aha nompotombihingmo i Barnabas ka' i Paulus po'ule' nonsisik iwi-iwi' anu okabangangi ka' anu ma'isa toho' tinimbali anu binaumo nu Tumpu i uno nu kalaja nu aha kiijo' hi to mia-mian bansa sangga'at anu misa' Yahudi.

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 19:32

Hau-haunyo aijo' to mia-mian anu sinihuk i totonga' nu kota' aijo' kinalangkabutmo. Daagi' ko anu nolo ais sumo aiya, daagi' ko anu nolo ais sumo aijo', kalana kanjoo'annyo hi aha madi' monsumbu' apaa na sababnyo aha sinihuk i kiijo'.

SISIKON NU TO RASUL-RASUL 21:21

Ka' uuka aha nohongomo taalu' kita Utus nongajanmo iwi-iwi' mian nu Yahudi anu jojoong hi aha i bansa sangga'at, da madi'mo mohongo atulan i Musa. Kita Utus nompokinde'imo aha, da aha madi'mo monsunat te to ana-anak nu aha kabai mombatuki adat kabiasa'an nu Yahudi.

SISIKON NU TO RASUL-RASUL 21:23

Ka'ima'annyo batukimo na pokinde' mami. Daagi' ko aha opat na mian i aiya anu noko bajanji'mo hi Tumpu.

1 KORINTUS 14:15

Jadi apaa na anu tionyo kubau? Aiya na anu kubau: Aku balado'amo nu rohku, panyo suele balado'amo nu pikilanku. Aku manyanyimo nu rohku, panyo aku suele manyanyimo nu pikilanku.