SISIKON NU TO RASUL-RASUL 21:20 - KITAB NU TUMPU ALLA LELE MA'IMAI'

²⁰ Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 21:20 ပူးပေါင်းရင်းမြစ်များ

MAZMUR 22:23

Apa-apaa na anu nubau nu Belento tionyo ku sisik hi to utu-utusku; de mompahasingka-singkabotmo tiba to mia-mian anu palesayamo hi Belento ku puji-puji'mo na sanggo nu Belento.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 12:1

Momada-madala na mian nompaha genso-gensotmo sampe ko anumo pinahampeja'akon na tengkenyo. Hau-haunyo mian haha aijo' gombu-gombu, i Yesus notatae hi anu saja' mombatuki Ia, “Obala'ingati na ragi nu mian Farisi, patu nu potataeng-Ku, kageguanan nu aha.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 15:1

To pia-piangkuka na mian lengkat i Yudea tinoka kiijo' mae i Antiokhia ka' nongajan to mia-mian palesaya i Antiokhia aijo' tukoonyo de aha madi' o sunat susumo atulan i Musa, aha madi' timbali o posalamat.

SISIKON NU TO RASUL-RASUL 15:24

Kami nohongo daagi' ko to pia-piangkuka na mian lengkat aiya hi kami anu nambamo hi komiu ka' nompotasiaga tiba nompobingungmo komiu nu to panga-pangajalan nu aha. Padahan kami madi' nonsai aha mombau aijo'.

SISIKON NU TO RASUL-RASUL 15:5

Panyo to pia-piangkuka na mian lengkat hi aha Farisi anu pinalesayamo, tinuminjo ka' notatae, “To mia-mian bansa sangga'at anu pinalesayamo aijo' tionyo o sunat ka' palalu mombatuki atulan i Musa.”

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

SISIKON NU TO RASUL-RASUL 4:21

To mia-mian anu Mongulus Palakala aijo' madi' noko humpak sa'angu' pe'e na alasan da mohukum i Petrus ka' i Yohanes. Jadi aha nompopobuhukmo ua-ua'aha na rasul aijo', lantas pinolapasmo ua-ua'aha kalana iwi-iwi' na mian mompuji-puji' Tumpu kalana apaa na anu tinimbalimo aijo'.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

ROMA 10:2

Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

GALATIA 1:14

I uno nu han mompojalan agama Yahudi manjoo' na mian nu Yahudi anu pokakana na umun tiba aku, aku na lebe monsumbu'. Ku palahatikan hondo na hahan mongkona to ada-adat nu mompolee' mami.

GALATIA 1:24

Sahingga aha nompuji'mo Tumpu kalana aku.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.