SISIKON NU TO RASUL-RASUL 21:13 - KITAB NU TUMPU ALLA LELE MA'IMAI'

¹³ Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

SISIKON NU TO RASUL-RASUL 21:13 ပူးပေါင်းရင်းမြစ်များ

1 TAWARIKH 11:18

Nohongo potatae aijo' aha totolu' na suludadu anu toto tangka-tangkas na pangkatnyo aijo' nompokiijo'imo kemah nu aha Filistin lantas nontaukmo mae uee i bubung aijo' lantas binoamo nu aha hi Daud. Panyo i Daud madi' nongka'oho' nonginum, ola ahi' binubusakonnyo salaku bau tanda sinombahkonnyomo hi Tumpu.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YEREMIA 40:1

Tumpu notataemo mae hi belengku salatan i Nebuzaradan, kamundan nu suludadu aijo' nompobebasmo mae aku kiijo' i Rama. Aku binoamo kiijo' mae hau-haunyo pinungumo nu lante' besak tiba iwi-iwi' na mian sangga'at anu lengkat mae i Yerusalem ka' Yehuda anu hau-haunyomo binoa salaku mian anu ihakop binoa i Babel.

YEHEZKIEL 18:2

“Kadaka' potatae aijo' me saja' osanggo ilipu' Israel? ‘To tu'a-tu'anyo mongkaan bua' nu anggur anu malosing, panyo to ana-anakmo ahi' na mangilu' na bese'nyo.’

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 20:37

Aha iwi-iwi' i humaang ka' nontanggogoli i Paulus ka' nontaloakon o pia mae i jalan.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

1 KORINTUS 15:31

To Utu-utus! Sansina-sinaa aku monta'up sansala kalana aku sanang na montoa kantumuu'an miu, kalana komiu pinalesayamo hi Kristus Yesus Tumpunto.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 2:26

Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

2 TIMOTIUS 1:4

Ku inau' na kasusa'an nu kinyonyoaum. Mokonyo aijo' ku kahanda'i hondo singkabot tiba beleyum da aku timbali hondo-hondo lame'.

2 TIMOTIUS 4:6

Mongkona butongku, tinokamo na tempo'nyo aku silakamo salaku bau koloban hi Tumpu. Madi'mo pin aku mompala'imo dunia aiya.

2 PETRUS 1:14

Kalana kusumbu', saba' madi'mo daagi' pin aku mompala'imo dunia aiya, kalana Tumpunto i Yesus Kristus nompoto'imo mana-manasa hi belengku.

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

1 SAMUEL 1:8

Ka' toto minsan mule'langkai' nu aha i Elkana mompokilawamo, “Kadaka' beleyum madi'mo mongka'oho' mongkaan ka' saja'mo susa'? Temisa' aku na lebe ko angganyo hi beleyum molingkudui sampulu' na anak to momo'ane?”

1 SAMUEL 15:14

Panyo pinokilawa i Samuel, “De sumo itina' kadaka' ihongongku mae sapi' molonga' tiba domba molombee'?”