SISIKON NU TO RASUL-RASUL 21:11 - KITAB NU TUMPU ALLA LELE MA'IMAI'

¹¹ Ia tinoka hi kami lantas nongala pombutu' i Paulus. Tiba pombutu' aijo' ia nonsegoti tengke ka' limanyo lantas notatae, “Aiyamo na anu tinaloakon nu Roh nu Tumpu: Tumpunyo nu pombutu' aiya o puuti sumo aiya i Yerusalem nu to mia-mian Yahudi, ka' o bee' hi to mia-mian anu misa' Yahudi.”

SISIKON NU TO RASUL-RASUL 21:11 ပူးပေါင်းရင်းမြစ်များ

1 TOMU-TOMUNDO' 22:11

Sala samian na nabi haha aijo' sanggonyo i Zedekia anak i Kenaana, nombau tanduk, besak na tinutuk, lantas pinoto'inyomo hi Ahab, “Aiyamo na anu kokoonyo nu Tumpu, 'Tiba tanduk anu susumo aiya na bau pompatei nu belento Siria ka' bau pohopu'i aha.’ ”

YESAYA 20:2

Totolu'mo nataun anu ihikuhakonmo ma'isa pe'e kino han aijo', Tumpu nonsaimo i Yesaya anak i Amos da mongukatakon sapatunyo ka' hude kalung anu pake-pake hi ia. Ia nontulutimo ka' ia ilumajangmo langgo-langgo ka' mule' madi'mo nisapatu.

YEREMIA 19:1

Tumpu nompalentahmo aku namba nongoli selekan tano', ka' nonsale'imo pa' aha sanggkuka na to pola-polaya' nu bansa tiba pa' aha sangkuka na to ima-imam anu langkai'mo,

HOSEA 12:10

Panyo Aku, Tumpu nu belemiu anu nomboamo mae belemiu nosabat lengkat i Mesir po ule' mule' mompojoong belemiu i to kema-kemah susumo naipuan mae tempo'nyo Aku tinoka hi beleyum i padang anu mateges.

YOHANES 18:1

Noko binalado'a na i Yesus sumo aijo', Ia tiba anu saja' mombatuki Ia nambamo nokiijo' i santoa nu Kaunyo Kidron. I kiijo' daagi' ko sa'angu' na taman. Ka' i Yesus tiba anu saja' mombatuki Ia ninsoopmo i tampat aijo'.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 21:33

Kapala nu suludadu aijo' namba hi Paulus lantas i hakopnyo ka' nompokau mian mompungu ia. Lapas aijo' kapala nu suludadu nompokilawamo pa'ihe na i Paulus aijo', ka' apaa na anu binaunyomo.

SISIKON NU TO RASUL-RASUL 21:4

I tampat aijo' kami namba nolenga to mia-mian anu pinalesayamo hi Yesus, lantas jinojoong tiba aha kinopinnyo sina'angu' na duminggu. Roh nu Tumpu na nompoto'i hi Paulus da boli mamba mokiijo' i Yerusalem.

SISIKON NU TO RASUL-RASUL 22:25

Panyo tempo'nyo i Paulus sinegotanmo da o pohos, i Paulus notatae hi suludadu anu tinuminjo i kiijo', “Pa' timbali na mompohos mian nu layat kalaja'an Roma, de ma'isa pe'e ia o palesa?”

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 26:29

“I uno nu tempo' anu sasaingoni' kabai i uno nu tempo' anu pin,” tinaaman i Paulus, “aku balado'a hi Tumpu da kita Tomundo' tiba to Tuan-tuan iwi-iwi' anu nohongomo aku sinaa aiya timbali sumo aku – ola ahi' pinompungu, na boli!”

SISIKON NU TO RASUL-RASUL 28:17

Salatan tinolun sinaamo, i Paulus nolagamo to tu'a-tu'anyo mian nu Yahudi i tampat aijo'. Ka' salatan sinihukmo na aha, ia notataemo hi aha, “To Utu-utus! Aku madi' ko sala' apa-apaa hi bansanto, kabai noolanggaimo adat kabiasa'an anu tinalima lengkat mae hi mompolee'to. Mau sumo aitu aku i hakop i Yerusalem ka' binee' hi to mia-mian nu Roma.

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

SISIKON NU TO RASUL-RASUL 8:29

Roh nu Tumpu notatae hi Filipus, “Lako'mo oha-ohani i kasake'an aijo'.”

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 6:20

Kalana Lele Ma'ima' aijo', sahingga aku tinimbalimo mian anu sinai, ka' uuka aiya i unomo nu talungku'. Balado'a da aku baani na basisik montaeyakon Lele Ma'ima' aijo' anu sahondo-hondonyo ku taeyakon.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.