SISIKON NU TO RASUL-RASUL 20:7 - KITAB NU TUMPU ALLA LELE MA'IMAI'

⁷ I pihi nu duminggu kami nosa'angu' da mongkaan hingga-hinggat susumo anu moto utus. I Paulus lewa' binasisik tiba to mia-mian, kalana dodop ia kahanda'mo mamba. Tinoka tonga' pahu i Paulus ola saja' binasisik.

SISIKON NU TO RASUL-RASUL 20:7 ပူးပေါင်းရင်းမြစ်များ

NEHEMIA 8:3

Lantas lengkat pe'e daagi' subu-subu tinoka-toka sonsu'unmo na sinaa, i Ezra nombasa'mo Atulan aijo' i ahop nu aha. Aha iwi-iwi' singkapmo nompotombihing totu-totu'u.

NEHEMIA 9:3

Kila-kila tinotolu' na jam na kinopinnyo na kitab Atulan nu Tumpu Allah nu aha binasa'akon hi aha, ka' tinotolu' na jam na kinopinnyo suele na aha nongakui dosa' nu aha iwi-iwi'. Lapas aijo' aha tinolodadupumo nonsombah Tumpu, Tumpu Allah nu aha.

MARKUS 16:9

Salatan i Yesus po'ule'mo tinumuu' i kasilakaannyo daagi' subu-subu sinaa nu Duminggu, Ia momoonanyo nompotoa butong-Nyo hi Maria Magdalena. (Hi Maria aijo' toho' i Yesus nonsabatakon popitu' na roh ma'idek.) To boboune haha aijo' nambamo hi Petrus tiba hi to sanga-sangalunyo, lantas nonsisikakon kodo-kodo' iwi-iwi' apaa na anu noko poto'imo hi aha nu olitau aijo'.

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

LUKAS 24:35

Ua'aha na anu saja' mombatuki Yesus anu sala'je tinoka aijo' balo nonsisik apaa na anu tinoa nu aha i tonga' nu jalan, ka' mosia na aha nonsumbu' Tumpu, tempo'nyo Ia nompuge-pugemo roti.

YOHANES 20:1

Subu-subu i sinaa nu duminggu daagi' pintung, i Maria Magdalena namba i pinolamunan. Tinoanyo na batu pinongkulubi tinondedensu'mo lengkat i bolo' nu pinolamunan aijo'.

YOHANES 20:19

Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

SISIKON NU TO RASUL-RASUL 16:10

Salatan i Paulus nontoa anu tinoa aijo', kami balo nosadia namba mokiijo' i Makedonia. Kalana kami nompalesayamo totu-totu'u taalu' Tumpu nonsaimo kami, sahingga kami nongala sa'angu' na kaputusan mamba mompolele Lele Ma'ima' hi to mia-mian kiijo' mae.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 20:11

Lapas aitu i Paulus po'ule'mo noliba' nokiita', lantas nombagi-bagimo roti ka' kinaan nu aha hingga-hinggat. Salatan pininmo na binasisik tiba to mia-mian ilambaakonnyo subu-subu, i Paulus nambamo.

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

SISIKON NU TO RASUL-RASUL 20:5

Aha namba i moona lantas nontanda'i kami i Troas.

SISIKON NU TO RASUL-RASUL 20:9

Samian na olitau sanggonyo i Eutikhus sinumuhang i tolongan. Kalana i Paulus sina basi-basisiknyomo, olitau aijo' natatundu'mo hondo sampe ia tinohoyot i tolongan aijo', lantas nanabu' nokaiyong i aluknyo, anu ko totolu'nyo na salipi' lengkat mae i bawo. Tempo'nyo aha nohangkat ia, ia sinilakamo.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

1 KORINTUS 10:16

Tempo'nyo kita monginum anggur, kita montalima kaseh hi Tumpu, te misa' aijo' mompotiju' saba' kita nosa'angu'mo tiba i Kristus i uno nu han Ia sinilaka? Ka' tempo'nyo kita mombagi-bagiakon roti da okaan hingga-hinggat, te misa' aijo' mompotiju' saba' kita nosa'angu'mo tiba butong i Kristus?

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.