SISIKON NU TO RASUL-RASUL 20:6 - KITAB NU TUMPU ALLA LELE MA'IMAI'

⁶ Noko lapas Lamean Roti Anu Madi' Mompake Ragi, kami tinalabutmo nompala'i Filipi. Ilapas aijo' kino liman sinaanyo kami po'ule'mo mule' sinihuk i Troas tiba aha. I kiijo' mae kami jinojoong sina'angu' na duminggu.

SISIKON NU TO RASUL-RASUL 20:6 ပူးပေါင်းရင်းမြစ်များ

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

NOSABATMO 34:18

Lame'akon na Lamean nu Roti anu madi' ko Raginyo. Susumo anu pinalentahkon-Kumo hi belemiu, belemiu tionyo ahi' mongkaan roti anu madi' ko raginyo pitunsinaa na kopinnyo i bitu'on Abib, kalana i bitu'onmo aijo' na belemiu nompala'imo mae Mesir.

SISIKON NU TO RASUL-RASUL 12:3

Salatan i Herodes nontoa saba' kalakuannyo aijo' momposanang kinyonyoa nu to mia-mian Yahudi, ia nompaka bau mule' anu sumo aijo'; ia nonsai mian mohakop i Petrus suele. Han aijo' jinadi tempo'nyo Sinaa Daka' Roti Anu Madi' Mompake Ragi.

SISIKON NU TO RASUL-RASUL 16:10

Salatan i Paulus nontoa anu tinoa aijo', kami balo nosadia namba mokiijo' i Makedonia. Kalana kami nompalesayamo totu-totu'u taalu' Tumpu nonsaimo kami, sahingga kami nongala sa'angu' na kaputusan mamba mompolele Lele Ma'ima' hi to mia-mian kiijo' mae.

SISIKON NU TO RASUL-RASUL 16:12

Lengkat i kiijo' kami nokiijo'mo i Filipi, sa'angu' na kota Kacamatan anu momona otokai i Makedonia. Filipi pinalentah nu kalaja'an Roma. I kiijo' mae kami jinojoong tino pia-pian sinaa.

SISIKON NU TO RASUL-RASUL 16:8

Jadi aha noliu-liu Misia ka' i lau-laus nokiijo' i Troas.

SISIKON NU TO RASUL-RASUL 20:16

I Paulus noko tantukanmo da madi'mo sonsoo' i Efesus, da boli mongide-idei tempo' i tano' nu Asia. De opoko-poko lamedi da malia-lia' toka na ia i Yerusalem i sinaa nu Lamean nu Pentakosta.

SISIKON NU TO RASUL-RASUL 20:5

Aha namba i moona lantas nontanda'i kami i Troas.

SISIKON NU TO RASUL-RASUL 21:4

I tampat aijo' kami namba nolenga to mia-mian anu pinalesayamo hi Yesus, lantas jinojoong tiba aha kinopinnyo sina'angu' na duminggu. Roh nu Tumpu na nompoto'i hi Paulus da boli mamba mokiijo' i Yerusalem.

SISIKON NU TO RASUL-RASUL 21:8

Dodododopnyo kami namba mule', lantas tinokamo i Kaisarea. I kiijo' kami namba hi Gulu Injin sanggonyo i Filipus, lantas jinojoong i laigannyo. Ia sala'samian aha anu popitu' na mian anu pinile'an kiijo' i Yerusalem.

SISIKON NU TO RASUL-RASUL 28:14

I kiijo' mae kami nompahakabotmo tiba to pia-piangkuka na mian anu palesayamo hi Yesus, ka' kalana kami ilagamo nu aha sahingga kami jinojoongmo tiba aha sina'angu' na duminggu na ko pinnyo. Lantas kami namba nokiijo' i Roma.

FILIPI 1:1

To Utu-utus mian anu palesayamo hi Tumpu iwi-iwi' anu jojoong i Filipi, ka' anu nosa'angu'mo tiba i Kristus Yesus. Tiba suele to Utu-utus polaya' ka' pabantun nu jama'at! Aku, i Paulus, tiba i Timotius to posa-posaihon i Kristus Yesus,

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

2 TIMOTIUS 4:13

De beleyum mambamo mae, boakon mae na baju' ujan anu kinolilimanku mae i Troas hi bonua i Karpus. Boakon mae suale na kitabku haha itina', anu penting hondo kitabku haha itina' anu kilit na binau kalatas.