SISIKON NU TO RASUL-RASUL 20:37 - KITAB NU TUMPU ALLA LELE MA'IMAI'

³⁷ Aha iwi-iwi' i humaang ka' nontanggogoli i Paulus ka' nontaloakon o pia mae i jalan.

SISIKON NU TO RASUL-RASUL 20:37 ပူးပေါင်းရင်းမြစ်များ

KAJADIAN 45:14

Lapas aijo' tinanggogolannyomo na i Benyamin utus ise'nyo aijo' lantas i humangmo; i Benyamin suele i humangmo ka' nontanggogolimo i Yusuf mule'.

KAJADIAN 46:29

i Yusuf sinumake'mo i kaletanyo da mompaha pia tiba tuumanyo ikiijo' mae. Salatan aha nompaha piamo, tinanggogolanmo i Yusuf na tuumanyo ka' pinin hondo na i humang.

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

1 TOMU-TOMUNDO' 19:20

Sahingga pinala'ianmo i Elisa na sapi'nyo haha aijo' ka' nopadeka'mo nololoi' i Elia, ka' notatae, “Pobee' pe'e mae na aku mamba hi tu'anyongku momoita da nu pobee' mae na aku, lapas aijo' aku mombatukije belento Tuuma.” Tinaaman i Elia, “Ii' lako' pe'e. Madi' ku tewa' na beleyum.”

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

MAZMUR 126:5

O' amalakon da mian anu humang na motugan mompadak na montaligalaimo ahi'.

LUKAS 15:20

Saba' ia nolengkat ka' ninsusule' hi tuumanyo. Daagi' jo'o-jo'on aijo' mae i laigan, ia tinoamo nu tuumanyo. Liibos nu tuumanyo tahahumo, nopadeka' nonsingkaboti, lantas nontanggogoli ka' nongooki ia.

ROMA 16:16

Mompaha sala-salan do'ai nu kalibosan salaku poto utusan nu mian Kristen. Iwi-iwi' na jama'at Kristus mompotoka salan do'a nu aha hi to Utu-utus.

1 KORINTUS 16:20

Iwi-iwi' na to Utu-utus i aiya mompotoka salan do'a hi komiu. Mompaha sala-salan do'ai nu kalibosan susumo poto utusan nu mian Kristen.

2 KORINTUS 13:12

Mompaha sala-salando'ai samian ka' samian nu kalibosan salaku poto utusan nu mian Kristen. Iwi-iwi' na mian anu palesayamo hi Tumpu nompakatu salan do'a hi belemiu.

1 TESALONIKA 5:26

Mompaha sala-salan do'akon iwi-iwi' nu kalibosan salaku poto utusan nu mian Kristen.

2 TIMOTIUS 1:4

Ku inau' na kasusa'an nu kinyonyoaum. Mokonyo aijo' ku kahanda'i hondo singkabot tiba beleyum da aku timbali hondo-hondo lame'.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”

1 SAMUEL 20:41

Salatan anak aijo' nambamo, i Daud nosabatmo mae i sambiha' nu tambulan nu batu aijo', lantas nonsombahmo pinintolun. Ia tiba i Yonatan ua-ua aha aijo' ihumangmo hau-haunyo aha nompaha o'okimo. Kasusa'an anu nu oa'i i Daud lebe daka' molingkudui kasusa'an anu nu oa'i i Yonatan.