SISIKON NU TO RASUL-RASUL 20:35 - KITAB NU TUMPU ALLA LELE MA'IMAI'

³⁵ I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

SISIKON NU TO RASUL-RASUL 20:35 ပူးပေါင်းရင်းမြစ်များ

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

YESAYA 32:8

Panyo anu manonnong nakalakuannyo na saja' ahi' montanga'i palabuatan manonong ka' mombau apa-apaa saja' ahi' manonong.

YESAYA 35:3

Pohoson na lima anu madi' moko ala mombau apa-apaa, pohoson na buku nu ike-ike' anu iludokmo.

MATIUS 10:8

Opa'alin na to mia-mian anu masakit; opo tumuu' na to mia-mian anu sinilakamo; opa'alin na to mia-mian anu ko panyakit kilit anu okabuhuk, ka' olaa' na to roh-roh ma'idek. Komiu nontalimamo iwi-iwi' aijo' ola ihalala akon. Jadi, mombee'i suele ola ohalala akon.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

SISIKON NU TO RASUL-RASUL 20:34

Posi kita Utus monsumbu'mo, saba' ola posi lawengku na bakalaja bau pomposukup kapalaluanku ka' to sanga-sangalungku anu mombatuki aku.

SISIKON NU TO RASUL-RASUL 20:36

Salatan i Paulus ilapas na notatae, ia dinumaladupumo tiba aha iwi-iwi' lantas binalado'a.

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

1 KORINTUS 9:12

De to mia-mian sangga'at ko hak montaha'imani aiya lengkat hi komiu, te misa' kami ahi na lebe ko hak molingkudui aha? Panyo aku ma'isa monggunakon hak aijo'. Ola ahi' aku lebe mongka'ima'i montanggung iwi-iwi' apaa, asan boli monsaduakon han anu molewot Lele Ma'ima' mongkona i Kristus obebakon.

2 KORINTUS 11:12

Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 12:13

I uno nu han apaa na komiu madi' pinalahatikan, de opokakanakon tiba to jama-jama'at sangga'at? Anu tahahumo ola i uno nu han aiya: aijo'mo aku madi' momposusa' komiu mongongkosi aku. Ampuniakon mae na aku i kasala'an aijo'!

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 13:3

O inau' na to mia-mian i uno nu talungku', au'aitu komiu suele kiijo' i uno nu talungku' tiba aha. Ka' to mia-mian anu lewa' okabisa'i, tionyo ahi' o inau' miu na aha au'aitu komiu suele binaumo sumo aijo'.

3 YOHANES 1:7

kalana i uno nu lumambanan mompolajang palentah i Kristus, aha madi' mohumpak apa-apaa pontulungi mae nu aha, mau mule' pa' apaa, de hi aha to mia-mian anu madi' monsumbu' Tumpu.