SISIKON NU TO RASUL-RASUL 20:3 - KITAB NU TUMPU ALLA LELE MA'IMAI'

³ Tinotolu' na bitu'on na ko pinnyo ia jinojoong kiijo' mae. Lantas salatan ia hau-haunyomo mosadia da talabutmo mokiijo' i Siria, daagi' ko lele tukoonyo nu aha, to mia-mian Yahudi nosa'angu'mo kahanda' mompatei ia. Mokonyo aijo' ia nontantukanmo da minsusule'mo montulu Makedonia.

SISIKON NU TO RASUL-RASUL 20:3 ပူးပေါင်းရင်းမြစ်များ

EZRA 8:31

I tanggan sampulu'mo ka' ohua' bitu'on anu momonanyo kami nompala'imo Kaunyo nu Ahawa ka' nambamo i Yerusalem. Kami namba mae aijo' jinagaanmo nu Tumpu Allah da boli nu tumbuhi ka' nupahampateakon nu sampobali'.

AMSAL 1:11

De bisuannyo aha motatae, “Imbo', da kita molio mian ka' obandahi na ia. Imbo' da osoba-sobanto o tumbuhintomo na mian anu madi' ko sala'nyo.

YEREMIA 5:26

O mian anu palesayamo hi beleng-Ku, atina' hi belemiu daagi ko to mia-mian anu ma'idek na kinyonyoanyo. Susumo mian anu mondoyoni so'o anu pinota'annyo bau pohakop tomonsi'sumo aijo'mo na aha nonta'an so'o bau pohakop manusia.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

SISIKON NU TO RASUL-RASUL 16:12

Lengkat i kiijo' kami nokiijo'mo i Filipi, sa'angu' na kota Kacamatan anu momona otokai i Makedonia. Filipi pinalentah nu kalaja'an Roma. I kiijo' mae kami jinojoong tino pia-pian sinaa.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 20:1

Salatan ilapasmo na kahengge'an kiijo' i Efesus, i Paulus nolimu'mo jama'at ka' nongkakeha'i aha. Lapas aijo' tinaloakonnyo pia mae na komiu, lantas nolausakonmo lajangnyo nokiijo' i Makedonia.

SISIKON NU TO RASUL-RASUL 20:19

Madi' kino bubuun ka' saja' nonjujuhakon lolu', aku mokalaja bau kapentingan nu Tumpu i totonga' nu kasansalaan anu ku oa'i, kalana tanga'an anu ma'idek nu to mia-mian Yahudi.

SISIKON NU TO RASUL-RASUL 20:2

Ia namba molenga to lipu-lipu kiijo' mae i Makedonia ka' nombee'i manjoo' na pokinde' hi to mia-mian anu palesayamo hi Yesus kiijo' mae salaku bau pongkakeha aha. Lapas aitu ia namba nokiijo' i Yunani.

SISIKON NU TO RASUL-RASUL 21:3

ka' tinalabutmo sampe kami nontoa togong Siprus i sasu kowi mami; panyo kami tinalabutmo lau-laus nompatui Siria. Kami i lumajang tano' nokiijo' i Tirus, kalana i kiijo' kapan anu kinasake'an mami mae aijo' daagi' molobosakon anu sinake'nyo mae.

SISIKON NU TO RASUL-RASUL 25:3

da sanang na kinyonyoanyo hi aha, sahingga ia nompalentah mian momboa i Paulus mokiijo' i Yerusalem; kalana aha sinangaja'mo na sale' da mompateimo ia i tonga' nu jalan.

2 KORINTUS 1:15

Kalana kapalesaya'an aijo', sahingga aku salatanmo pe'e imoonanyo nontanga'imo mamba montoa komiu da komiu mohumpak balakat pinduan lipat.

2 KORINTUS 11:26

Toto minsan ilumambananku mompai silakamo: iyaba' mompai silakaimo, tololang mompai silakaimo, mian nu Yahudi kabai misa' mian nu Yahudi mompai silakaimo, mian i uno nu kota mompai silakaimo, ka' mule' mian anu i sambiha'nyo nu kota mompai silakaimo, ambai mompai silakaimo, ka' suele anu mompai silakai aijo'mo to mia-mian anu mangaku butongnyo salaku moto utus kalana bubuu' Kristen padahan misa'.

2 KORINTUS 7:5

Tempo'nyo mule' kami tinoka i Makedonia, kami madi' toho' kino kasampatan nilawe. Iwi-iwi' na han pinohumpakanmo mami kasusa'an: lengkat mae hi sangga'atan mompainggagakon, i uno nu kinyonyoa nabuhukmo.

GALATIA 1:21

Lapas aitu aku nambamo nokiijo' i to da'e-da'erah i Siria ka' i Kilikia.