SISIKON NU TO RASUL-RASUL 20:22 - KITAB NU TUMPU ALLA LELE MA'IMAI'

²² Uuka aku mombatukimo palentah nu Roh nu Tumpu, mambamo mokiijo' i Yerusalem. Ka' aku madi' monsumbu' apaa na anu jadi' hi belengku kiijo' mae.

SISIKON NU TO RASUL-RASUL 20:22 ပူးပေါင်းရင်းမြစ်များ

LUKAS 12:50

Daagi' ko kasansala'an anu maboat, anu tionyo Ku oa'i. Ka' kinyonyoang-Ku mangada' hondo de ma'isa aijo' timbali.

LUKAS 9:51

Salatan ingohanimo na tempo'nyo i Yesus o hangkatmo mokiita' i suluga', Ia nongalamo katantuan da mamba i Yerusalem.

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 18:4

Sinumbu'mo i Yesus iwi-iwi' apaa na anu timbali saidi' mae i butong-Nyo. Jadi Ia nongohani mian haha aijo' ka' nompokilawa, “Komiu molio ihe?”

SISIKON NU TO RASUL-RASUL 17:16

Hau-haunyo i Paulus montanda'i i Silas ka' i Timotius kiijo' i Atena, kinyonyoanyo molibos na montoa kota aijo' nobuke'mo nu to pilo-pilogot.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 20:16

I Paulus noko tantukanmo da madi'mo sonsoo' i Efesus, da boli mongide-idei tempo' i tano' nu Asia. De opoko-poko lamedi da malia-lia' toka na ia i Yerusalem i sinaa nu Lamean nu Pentakosta.

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

YAKOBUS 4:14

Apaa na anu timbali i kantumuu'an nu belemiu dodop, posi komiu pe'e madi' monsumbu'! Komiu ola sumo tibuk ola sasaingoni' na kantoan, lapas mae lanyapmo.

2 PETRUS 1:14

Kalana kusumbu', saba' madi'mo daagi' pin aku mompala'imo dunia aiya, kalana Tumpunto i Yesus Kristus nompoto'imo mana-manasa hi belengku.