SISIKON NU TO RASUL-RASUL 20:21 - KITAB NU TUMPU ALLA LELE MA'IMAI'

²¹ Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 20:21 ပူးပေါင်းရင်းမြစ်များ

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MARKUS 1:15

Koo-Nyo, “Tumpu malia'mo montampu'uni mompalentah. Balatobatmo bolimo mombau dosa-dosa'um, ka' opalesayamo na Lele Ma'ima' anu lengkat mae hi Tumpu!”

MARKUS 6:12

Sahingga aha sampulu' ka' ohua' na anu saja' mombatuki Yesus aijo' nambamo. Aha nambamo nombebakon lele da mian tionyo balatobat i to dosa-dosa'nyo.

LUKAS 13:3

Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha.

LUKAS 13:5

Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 15:7

Jadi, sumo aitumo na i suluga' ko kalame'an anu daka' hondo kalana samian anu baladosa' binala tobatmo, nolingkuduimo anu siompulu' ka' osio', na mian anu na'ima'mo ka' madi'mo palalu balatobat.”

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 16:31

Tinaaman i Paulus ka' i Silas, “Palesayamo hi Tumpu Yesus! Beleyum timbali salamat – beleyum ka' iwi-iwi' mian anu i laiganum!”

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

SISIKON NU TO RASUL-RASUL 19:17

Iwi-iwi' mian nu Yahudi ka' mian bansa sangga'at anu jojoong i Efesus nohongo apaa na anu tinimbalimo aijo', lantas aha i nabuhukmo. Sahingga sanggo i Tumpu Yesus pinaka puji-puji'mo.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 24:24

Ilapas aijo' tino pia-pian sinaa, i Feliks tinokamo sinangaluan mae nu bengkele'nyo sanggonyo i Drusila; ia mian nu Yahudi. Lantas i Feliks nompokau mian mongala i Paulus, lapas aijo' i Feliks nompotombihingmo i Paulus notatae mongkona palesaya hi Kristus Yesus.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

SISIKON NU TO RASUL-RASUL 8:25

Noko lapas na aha nombee'i katalangan ka' nompotoka potatae nu Tumpu, i Petrus ka' i Yohanes ninsusule'mo i Yerusalem. Ka' manjoo' na to kampu-kampung i lambanan nu aha aijo' nompotoka Lele Ma'ima' i Samaria.

ROMA 1:14

Kalana aijo' aku ko kahanda' mamba i songko-songko na bansa; anu monsumbu'mo atulan tiba anu ma'isa monsumbu' atulan, anu nosikolahmo tiba anu ma'isa nosikolah.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 10:9

Kalana de kita Utus mangaku nu nganga'um tukooyum “I Yesus aijo' Tumpu”, ka' kita Utus palesaya i kinyonyoaum tukooyum Tumpu mompotumuu'mo i Yesus anu sini-sinilakamo, saba' kita Utus o posalamat.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

ROMA 4:24

panyo suele kona hi kita. Kita suele otalima sumo mian anu momposanang kinyonyoa nu Tumpu, kalana kita palesaya hi Tumpu, anu mompotumuu'mo i Yesus, Tumpunto, mau mule' Ia sinilakamo.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

1 KORINTUS 1:22

Mian nu Yahudi sabole-bole momoita anu okabangangi da bau tanda, ka' mian nu Yunani sabole-bole monggagakon kapandean nu dunia aiya.

2 KORINTUS 7:10

Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.

GALATIA 2:16

Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

EFESUS 1:15

Mokonyo aijo' salatanmo pe'e aku nohongo tukoonyo belemiu pinalesayamo hi Tumpu Yesus, ka' komiu mongkalibosimo iwi-iwi' mian anu palesayamo hi Tumpu,

KOLOSE 2:5

Kalana mau mule' aku to majo'onan tiba komiu, panyo o'anggapmo ahi', au'aitu aku sumo-sumomo daagi' itina' hi komiu. Ka' aku i lame'mo na montoa komiu nosa'angu'mo na kinyonyoa ka' nahosonmo na pinalesaya hi Kristus.

FILEMON 1:5

Kalana i hongongkumo, taalu' kita Utus totu-totu'u pinalesayamo hi Tumpu Yesus ka' mongkalibosi iwi-iwi' mian anu pinalesayamo hi Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:5

Ihe na moko ala mohungku'i dunia? Ola mian anu palesayamo tukoonyo i Yesus aijo'mo na Anak nu Tumpu.