SISIKON NU TO RASUL-RASUL 2:7 - KITAB NU TUMPU ALLA LELE MA'IMAI'

⁷ Aha binangangmo ka' tinolokengkeng lantas notatae, “Te misa' to mia-mian anu notatae aiya iwi-iwi' mian nu Galilea?

SISIKON NU TO RASUL-RASUL 2:7 ပူးပေါင်းရင်းမြစ်များ

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

MATIUS 26:73

Madi' pinin lapas aijo', to mia-mian anu tinuminjo i kiijo' tinokamo hi Petrus, ka' notatae, “Totu-totu'umo beleyum sala'samian anu aijo' hi aha. Aijo' osumbu' hondo kalana pokakana na potatae.”

MATIUS 8:10

Salatan i Yesus nohongo apaa na anu tinaloakon nu suludadu aijo', Ia binangang hondo. Lantas Ia notatae hi to mia-mian anu hau-haunyo mombatuki Ia, “Palias na mian aiya. Hi mian nu Israel ma'isa pe'e toho' Aku nongkabot kinodaka'nyo nu palesaya aiya!

MARKUS 1:27

Iwi-iwi' na mian binangang hondo, ka' sinailapas aha notatae samian ka' sangga'at, “Ibeh apaa na aiya? Sa'angu' na pokinde' anu sala'je! Tiba palentah ka' kuasanyo, Ia mompalentah to roh-roh ma'idek nosabat, ka' aha nohongo Ia!”

MARKUS 2:12

Ia tinuminjo ka' nalia-lia' nongala ampasnyo, lantas nosabat sinakisian nu aha iwi-iwi'. To mia-mian haha aijo' binangang ka' nompuji' Tumpu. Koonyo nu aha, “Ma'isa toho' kita nontoa anu jinadi sumo aiya!”

YOHANES 7:52

“Te beleyum suele lengkat mae i Galilea?” tinaaman nu aha. “Soba palesaya na Kitab nu Tumpu! Beleyum montoaje saba' madi' ko Nabi anu molengkat mae i Galilea!” [

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

SISIKON NU TO RASUL-RASUL 2:12

Aha binangangmo ka' tinolokengkeng lantas aha iwi-iwi' nompaha poki-pokilawa hi samian ka' samian, “Apaa na alati'nyo aiya?”

SISIKON NU TO RASUL-RASUL 2:8

Mosia na tinimbali sahingga kita nohongo aha motataemo i basa' nu lipu'to toto samian?

SISIKON NU TO RASUL-RASUL 3:10

Lantas aha aitu sininsumbu'je saba' iamo aitu na anu saja' mompoita ka' biasanyo sumuhang i “Sabatan Ma'ima'”, i Laigan nu Tumpu. Aha binangang hondo ka' tinonto' na nontoa apaa na anu jinadimo hi ia.