SISIKON NU TO RASUL-RASUL 2:42 - KITAB NU TUMPU ALLA LELE MA'IMAI'

⁴² Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

SISIKON NU TO RASUL-RASUL 2:42 ပူးပေါင်းရင်းမြစ်များ

LUKAS 24:30

Tempo'nyo suha-suhang mongkaan tiba aha, i Yesus nongala roti, nontalima kaseh hi Tumpu, nompuge-puge roti aijo' nu limanyo, lantas nombee' hi aha.

LUKAS 24:35

Ua'aha na anu saja' mombatuki Yesus anu sala'je tinoka aijo' balo nonsisik apaa na anu tinoa nu aha i tonga' nu jalan, ka' mosia na aha nonsumbu' Tumpu, tempo'nyo Ia nompuge-pugemo roti.

SISIKON NU TO RASUL-RASUL 1:14

iwi-iwi' saja' mosangaja' na kinyonyoa silimu' da balado'a. Aha balado'a tiba to bouboune, singkona i Maria tina i Yesus ka' tiba to utu-utus i Yesus.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 20:11

Lapas aitu i Paulus po'ule'mo noliba' nokiita', lantas nombagi-bagimo roti ka' kinaan nu aha hingga-hinggat. Salatan pininmo na binasisik tiba to mia-mian ilambaakonnyo subu-subu, i Paulus nambamo.

SISIKON NU TO RASUL-RASUL 20:7

I pihi nu duminggu kami nosa'angu' da mongkaan hingga-hinggat susumo anu moto utus. I Paulus lewa' binasisik tiba to mia-mian, kalana dodop ia kahanda'mo mamba. Tinoka tonga' pahu i Paulus ola saja' binasisik.

SISIKON NU TO RASUL-RASUL 4:23

Salatan i Petrus ka' i Yohanes pinobebasmo, aha ninsusule'mo hi to sanga-sangalu nu aha ka' nonsisik iwi-iwi' anu tinaloakonmo nu to kapa-kapala nu imam ka' to pola-polaya' nu Yahudi hi aha.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

SISIKON NU TO RASUL-RASUL 6:4

kalana kami kahanda' balado'a da ola saja' mompolele potatae nu Tumpu.”

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

1 KORINTUS 10:21

Komiu madi' timbali monginum i galas nu anggur nu Tumpu, ka' mule' suele i galas nu anggur nu roh ma'idek. Komiu madi' timbali mongkaan i meja' nu Tumpu tiba i meja' suele nu roh ma'idek.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

1 KORINTUS 14:6

De aku bisuannyo toka hi beleyum ka' aku basisik tiba ngangahan nu basa' anu okabangangi, apaa na gunanyo aijo' hi komiu? Madi' ko gunanyo mau pe'e sangkiding! Sangalasan na hannyo de aku mompoto'i apaa na anu tinaloakon nu Tumpu, kabai aku montalangkan apa-apaa mongkona Tumpu, kabai aku mompotokakon lele lengkat mae hi Tumpu, kabai aku mompogulu'.

GALATIA 1:6

Bangang na aku i han nu to Utu-utus! Komiu ilagamo nu Tumpu Allah, kalana balakat i Kristus, panyo uuka komiu talalo malia' mohiku Tumpu ka' mombatuki “lele ma'ima'” anu sangalasan, anu madi' pokakana Lele Ma'ima' anu lengkat mae hi Tumpu.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 1:5

Aku montalima kase hi Tumpu kalana salatanmo pe'e i sinaa momonanyo sangkutnyo uuka aiya, komiu nontulungimo aku nombebakon Lele Ma'ima' lengkat mae hi Tumpu.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

2 TIMOTIUS 3:14

Panyo mongkona beleyum Timotius, tionyo ahi' beleyum tataap mintoong i aja-ajalan anu totu'u anu ingajanakonmo hi beleyum ka' nu palesaya totu-totu'u; kalana beleyum nonsumbu'mo ihe na to gulu-gulu' nu beleyum.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,