SISIKON NU TO RASUL-RASUL 2:39 - KITAB NU TUMPU ALLA LELE MA'IMAI'

³⁹ Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

SISIKON NU TO RASUL-RASUL 2:39 ပူးပေါင်းရင်းမြစ်များ

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

YESAYA 59:20

Tumpu notataemo hi mian anu palesayamo hi Ia, “Aku tokaje mae i Yerusalem da momposalamat belemiu iwi-iwi' anu binala tobatmo i dosa' nu belemiu haha atina'.

YESAYA 65:23

Iwi-iwi' na anu nu bau nu aha ko hasinnyomo, ka' to ana-anak nu aha madi' saitotolo' silakamo. Aha tiba lee' nu aha, Ku balakatimo sampe toka sidu-sidutu'.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

SISIKON NU TO RASUL-RASUL 10:45

To mia-mian nu Yahudi anu palesayamo hi Yesus ka' nombatukimo i Petrus lengkat i Yope, iwi-iwi' binangang na nontoa Tumpu nombee'i suele Roh-Nyo hi to mia-mian bansa sangga'at anu misa' Yahudi.

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 15:14

I Simon sala'je nontalangkan mosia na Tumpu momona-Nyo nompotoa, palahatian-Nyo hi to mia-mian anu misa' Yahudi, ko kahanda' mompile'i to mia-mian anu aijo' hi aha sangga'at da timbali mian anu palesayamo hi Ia.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

ROMA 9:24

Kita ilaga-Nyomo, misa' ola lengkat i bansa Yahudi, panyo mule' suele i bansa sangga'at.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

1 KORINTUS 7:14

Kalana langkai' anu madi' palesaya opobee' timbali mian palesayamo hi Tumpu, kalana po'osoannyo tiba bengkele'nyo anu tinimbalimo, mian anu pinalesayamo hi Tumpu. Sumo aitu mule' bengkele' anu madi' palesaya, opobee' timbali mian anu palesayamo hi Tumpu, kalana po'osoannyo tiba langkai'nyo anu tinimbalimo, mian anu pinalesayamo hi Tumpu. De madi' sumo aijo', to ana-anak nu aha tantu sumo to ana-anak nu mian daagi' halipulu, padahan to ana-anak haha aijo' sumo-sumomo mian anu palesayamo hi Tumpu.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

EFESUS 4:4

Ola sa'angu' na butong ka' sa'angu' na Roh. Sumo aitumo mule' na komiu i laga da ola sa'angu' na anu otaha'imani ka' mule' pokakana.

PO'ULE' INGULIT 29:15

panyo kona hi toto samian anu sinaa aiya tinuminjomo i aiya, i ahop nu Tumpu Allah-nto, ka' suele tiba lee'to anu aiya mae i ahop.”

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 9:15

Aijo' na sababnyo i Kristus tinimbalimo Jalan i sa'angu' na palajanjian anu bu'ou, da mian anu i lagamo nu Tumpu montalimamo to bala-balakat anu madi' mingkot anu jinanji'mo nu Tumpu. Iwi-iwi' aijo' tinimbalimo kalana daagi'mo ko anu sinilaka, aijo'mo i Kristus; ka' Ia sinilaka aijo' nompobebasmo mian i kasala'an-kasala'an anu binaumo nu aha tempo'nyo palajanjian anu momona daagi' pinake.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”