SISIKON NU TO RASUL-RASUL 2:37 - KITAB NU TUMPU ALLA LELE MA'IMAI'

³⁷ Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

SISIKON NU TO RASUL-RASUL 2:37 ပူးပေါင်းရင်းမြစ်များ

MAZMUR 73:21

Salatan aku nompele-pele'mo ka' kinyonyoangku sumomo anu sinusuk,

ANU MOMPOLELE POTATAE NU TUMPU 12:11

Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on, tokon anu nu pake monjagai dombanyo. Ibalat tiba pokinde' pinosa'angu'; sumomo paku' anu pinaku'akonmo hoso-hoson. Iwi-iwi' aijo' suele anu binee'mo nu Tumpu; polaya'to anu sa'a-sa'angu'nyomo aijo'.

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

LUKAS 3:10

“Jadi, apaa na anu tionyo obau mami?” pinokilawa nu to mia-mian hi Yohanes.

LUKAS 3:12

Anu saja' montage hasin tinoka suele hi Yohanes da o palamandikan. Aha nompokilawa, “Tuumangku Gulu', apaa na anu tionyo obau mami?”

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

YOHANES 8:9

Salatan nohongo i Yesus nontaloakon sumo aijo', i nambamo na aha nompala'i tampat aijo' toto samian lengkat pe'e i anu lebe motu'amo. Ahennyo i Yesus me sausa'nyo i kiijo' tiba boune anu daagi' tinjo-tinjo i katinjoannyo.

SISIKON NU TO RASUL-RASUL 1:16

“To Utu-utus! Apaa na anu tinulismo i uno nu Kitab nu Tumpu Allah, aijo' tionyo timbali. Naipuan mae Roh nu Tumpu notataemo hi Daud mongkona i Yudas, polaya' nu to mia-mian anu mohakop i Yesus aijo'.

SISIKON NU TO RASUL-RASUL 22:10

Lantas pinokilawangku mule', ‘Apaa na tionyo kubau Kita Tumpu?’ Tumpu nontaami, ‘Bulaamo ka' pokiijo'mo i Damsyik. I kiijo' mae beleyum nu poto'ije nu Tumpu iwi-iwi' na anu nu bau.’

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,