SISIKON NU TO RASUL-RASUL 2:33 - KITAB NU TUMPU ALLA LELE MA'IMAI'

³³ Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 2:33 ပူးပေါင်းရင်းမြစ်များ

MAZMUR 118:16

Kuasa nu Tumpu na nompo untung kita nahampate! Tumpu nombaumo palabuatan anu daka' hondo.”

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

MAZMUR 89:24

Iwi-iwi' na anu monsampobali' ia Ku pateimo, Ku patei maumo pa' ihe na anu mongka'ideki ia.

YESAYA 52:13

Tumpu notatae, “Memang, posaihon-Ku usahanyo nu humpak; ia opuji-puji'mo ka' oholomatimo.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

YOHANES 14:16

Ku poitaje hi Tuuma, da Ia tionyo mombee'i komiu Pontulungi sangga'at, anu jojoong hingga-hinggat ka' komiu sidu-sidutu'.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

SISIKON NU TO RASUL-RASUL 1:4

Ka' tempo'nyo Ia sinilimu'mo tiba aha, Ia nombee'imo palentah aiya hi aha, “Boli opala'i na Yerusalem. Tanda'i kiijo' sampe Tuumang-Ku mombee'mo apaa na anu jinanji'-Nyomo, aijo'mo anu noko poto'ing-Kumo hi komiu u'utu mae.

SISIKON NU TO RASUL-RASUL 10:45

To mia-mian nu Yahudi anu palesayamo hi Yesus ka' nombatukimo i Petrus lengkat i Yope, iwi-iwi' binangang na nontoa Tumpu nombee'i suele Roh-Nyo hi to mia-mian bansa sangga'at anu misa' Yahudi.

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 4:8

I uno nu Kitab nu Tumpu tinulismo, “Salatan Ia noliba'mo i tampat anu matangkas hondo, Ia nomboamo manjoo' na anu i hakop-Nyo; ka' Ia nombee'imo palasen-palasen hi mian.”

TITUS 3:6

Tumpu nombee'imo mae Roh-Nyo hi kita kalana pakalaja'an i Yesus Kristus, Tomundo anu Momposalamat kita,

IBRANI 10:12

Panyo i Kristus nonsombahkon poso' sa'angu' na koloban bau pongampuni dosa', ka' koloban aijo' montanggungimo sampe toka sidu-sidutu'. Noko lapas na nonsombahkon koloban aijo', i Kristus sinumuhangmo i sasu koanan nu Tumpu ka' nompalentahmo hingga-hinggat tiba Ia.

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.