SISIKON NU TO RASUL-RASUL 2:22 - KITAB NU TUMPU ALLA LELE MA'IMAI'

²² To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

SISIKON NU TO RASUL-RASUL 2:22 ပူးပေါင်းရင်းမြစ်များ

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

MATIUS 12:28

Panyo aku molaa' roh ma'idek tiba kuasa nu Roh nu Tumpu Allah. Ka' aijo' alati'nyo, saba' Tumpu montampu'unimo mompalentah atina' hi komiu.

MATIUS 2:23

I kiijo' ia jinojoong i kota sanggonyo Nazaret. Sahingga sumo aitu jinadimo apaa na anu tinaloakon nu to nabi-nabi mongkona Anak aitu: “Ia o sanggo Mian nu Nazaret.”

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 11:20

Panyo Aku molaa' roh ma'idek tiba kuasa nu Tumpu, ka' aijo' alati'nyo, saba' Tumpu montampu'unimo mompalentah atina' hi komiu.

LUKAS 18:37

“I Yesus, mian nu Nazaret aijo', notulu,” tinaeakon nu aha hi ia.

LUKAS 24:18

Lantas sala'samian anu aitu hi aha sanggonyo i Kleopas nompokilawa hi Yesus, “Te i Bapak, sala'samian anu i santano'an, anu madi' jojoong i Yerusalem, ka' madi' monsumbu' apaa na anu tinimbalimo kiijo' sala-sala'je uuka aiya?”

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 10:37

De Aku madi' mombau hia anu pinalentahkon nu Tuuma, boli opalesaya na Aku.

YOHANES 11:47

Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

YOHANES 12:17

To mia-mian anu tinoka tempo'nyo i Yesus nolaga i Lazarus posabat mae lengkat i lamunan ka' po'ule' nompotumuu' lengkat i kasilakaan, baloo nombee'i katalangan mongkona han aijo'.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 19:19

I kau' salib i Yesus, i Pilatus nompokau mompokona tulisan aiya: “Yesus lengkat mae i Nazaret, Tomundo Mian nu Yahudi.”

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 4:48

I Yesus notatae hi anu ko pangkat mokalaja i pamalentah aijo', “De komiu madi' montoa anu okabangangi, komiu madi' palesaya.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 7:31

Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

YOHANES 9:33

De misa' mian aijo' lengkat mae hi Tumpu, Ia madi' moko ala mombau apa-apaa.”

SISIKON NU TO RASUL-RASUL 13:16

I Paulus balo tinuminjo, lantas nombee'i tanda nu limanyo, lapas aijo' notataemo, “To utu-utusku bansa Israel ka' iwi-iwi' na to utu-utus sangga'atannyo i aiya anu mohongo-hongo Tumpu! Soba hongo na aku:

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 2:19

Aku mompodaagi'je anu okabangangi aita' mae i langit, ka' hahan anu daka' i aluk nu dunia aiya; daagi' saidi' mae ko baso' ka' apu, mombuun ka' tibuk.

SISIKON NU TO RASUL-RASUL 2:43

Manjoo' hondo na anu okabangangi binau nu to rasul-rasul aijo' sahingga, iwi-iwi' na mian binangangmo ka' nabuhukmo.

SISIKON NU TO RASUL-RASUL 21:28

ka' lewa' noloboo', “O, to mia-mian nu Israel, tulung! Aiyamo na miannyo anu mamba iyaya mae mongajan iwi-iwi' na mian nu to aja-ajalan anu mompisala'i bansa Israel, mompisala'i atulan i Musa ka' mompisala'i Laigan nu Tumpu aiya. Ka' uuka ia ola' o mule' momboa to mia-mian anu misa' Yahudi ninsoop i uno nu Laigan nu Tumpu ka' nombau anu moko pahenggas i tampat anu susi' aiya!” (

SISIKON NU TO RASUL-RASUL 22:8

Lantas pinokilawangku, ‘Ihe na Belento, Tuan?’ ‘Akumo na i Yesus, mian nu Nazaret aijo' anu nu sakisa,’ tinaaman-Nyo.

SISIKON NU TO RASUL-RASUL 24:5

I humpakmo mami na mian aiya mompokalangkabut anu moko bahaya. Iyaya mae ia mompolubat kahengge'an, aijo' hi aha to mia-mian nu Yahudi ka' ia tinimbalimo polaya' posa'angu'an nu to mia-mian nu Nazaret.

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.

SISIKON NU TO RASUL-RASUL 26:9

Imoonanyo posi aku pe'e ko pikilan, mosia da aku tionyo mombau apa-apaa da bau pompoosala' i Yesus lengkat i Nazaret aijo'.

SISIKON NU TO RASUL-RASUL 3:12

Salatan i Petrus nontoa to mia-mian aijo', ia notatae hi aha, “O, to mia-mian Israel, kadaka' to Utu-utus bangang i han aiya? Kadaka' komiu saja' montoa mae kami? Apaa komiu monsangka mian aiya timbali lumajang kalana ko kuasa hi kami kabai kalana kami mohongo-hongo hi Tumpu?

SISIKON NU TO RASUL-RASUL 3:6

Panyo i Petrus notatae hi ia, “Aku madi' hondo ko doi. Panyo apaa na anu daagi' hi belengku, aijo' na ku bee' hi beleyum: Tiba kuasa i Yesus Kristus mian nu Nazaret aijo', lajangmo!”

SISIKON NU TO RASUL-RASUL 4:10

Jadi, to Tutuuma iwi-iwi' tionyo monsumbu' ka' iwi-iwi' bansa Israel tionyo monsumbu' saba' mian aiya tuminjo uuka aiya tiba butong anu sehat i ahop nu to Tutuuma, kalana kahosonan ka' kakuasa'an lengkat mae hi Yesus Kristus mian nu Nazaret aijo'. To Tutuuma nonsalibmo i Yesus aijo', panyo Tumpu po'ule' nompotumuu' Ia.

SISIKON NU TO RASUL-RASUL 5:35

Lapas aitu ia notatae hi Mian Kopian Daka' nu Agama aijo', “To Utu-utus mian Israel! Tutugi ima-ima' mongkona apaa na anu obau nu to Utu-utus hi to mia-mian haha aiya.

SISIKON NU TO RASUL-RASUL 6:14

Kami nohongomo i Stefanus notatae, tukoonyo i Yesus anu lengkat mae i Nazaret aijo' montua'akonmo Laigan nu Tumpu aiya, lantas mombali'i iwi-iwi' adat kabiasa'an anu pinotokakonmo i Musa hi kita!”

2 KORINTUS 12:12

Anu okabangangi tiba hahan anu madi' ko anu mongkakanai tiba kalaja anu toto daka-daka', pinotoamo hi komiu i uno nu kasabalan da mompobukuti'i saba' aku samian na rasul.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.