SISIKON NU TO RASUL-RASUL 2:17 - KITAB NU TUMPU ALLA LELE MA'IMAI'

¹⁷ Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

SISIKON NU TO RASUL-RASUL 2:17 ပူးပေါင်းရင်းမြစ်များ

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

KAJADIAN 6:12

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 40:5

Sahingga kaholomatan nu Tumpu oponyata'mo; iwi-iwi' na manusia monsakisimo. Totu-totu'u, Tumpu binalajanji'mo!”

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 49:26

Ku potimbalimo na sampobali' nu beleyum da mangoa i baso', sahingga aha mompaha pate-pateimo. Jadi iwi-iwi' na manusia saidi' mae monsumbu'mo, taalu' Akumo ahi', na Tumpu Anu momposalamat beleyum; Anu Mahoson hondo, Tumpu i Yakub Anu nontobusmo beleyum.”

YESAYA 66:23

Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

YEHEZKIEL 11:19

Aha Ku bee'ije kinyonyoa anu sangalasan ka' mule' pikilan anu sangalasan, madi'mo pokakana sumo anu ihikuhakonmo. Kinyonyoa nu aha anu nokuutmo susumo batu Ku alamo ka' Ku bolosimo nu kinyonyoa anu tulu-tulutan hi beleng-Ku.

YEHEZKIEL 39:29

Ku dudu'akonmo mae na Roh-Ku hi aha bansa Israel, ka' madi'mo daagi' mompala'i aha. Aku, Tumpu Anu Matangkas na Kuasanyo notataemo.”

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

LUKAS 3:6

Songko-songko na mian i dunia montoaje Tumpu momposalamat mian!’ ”

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 7:39

I Yesus binasisik mongkona Roh nu Tumpu, anu saidi' mae nu talimaje nu to mia-mian anu palesayamo hi Ia. Kalana tempo' aitu Roh nu Tumpu ma'isa binee'; kalana i Yesus ma'isa pinopodaka' i uno nu kasilakan-Nyo.)

SISIKON NU TO RASUL-RASUL 10:45

To mia-mian nu Yahudi anu palesayamo hi Yesus ka' nombatukimo i Petrus lengkat i Yope, iwi-iwi' binangang na nontoa Tumpu nombee'i suele Roh-Nyo hi to mia-mian bansa sangga'at anu misa' Yahudi.

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 11:28

Aijo' hi aha daagi' ko samian sanggonyo i Agabus. Roh nu Tumpu na nongkakeha ia sahingga nompoto'i apaa na anu jadi aiya mae i ahop, koonyo songko-songko na dunia tionyo toka na tempo' nu kapo'ohopan anu daka'. (Ka' han aijo' jinadimo suele tempo'nyo pamalentahan i Tomundo Klaudius.)

SISIKON NU TO RASUL-RASUL 2:16

Panyo aiya noko poto'imo nu Tumpu hi Nabi Yoel:

SISIKON NU TO RASUL-RASUL 2:18

Hi to posa-posaihon-Ku pe'e – mau pe'e to momo'ane mau pe'e to bouboune –, Ku dudu'akonje na Roh-Ku i sinaa haha aitu. Aha mompoto'iakonje hahan anu pinoto'ing-Kumo hi aha.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 21:9

Opat na to ana-anak langkoyangnyo binee'anmo kahosonan nu Tumpu Allah da mompolele lele lengkat mae hi Tumpu.

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

1 KORINTUS 12:10

Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

YAKOBUS 5:3

Mosoni' ka' salaka miu kinampuhanmo nu atak; ataknyo na timbali sakisi nongewa komiu ka' mongkekedi sampe mingkot butong miu sumo apu. Komiu nontambunmo halata' bau pontoukai tempo' anu malia'mo mingahen.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu