SISIKON NU TO RASUL-RASUL 2:11 - KITAB NU TUMPU ALLA LELE MA'IMAI'

¹¹ daagi' ko to mia-mian nu Yahudi ka' suele to mia-mian bansa sangga'at anu ninsoopmo agama Yahudi; daagi' mule' ko anu tinoka lengkat mae i Kreta ka' i Arab. Kita iwi-iwi' nohongomo aha notatae nu basa'to, toto samian mongkona hahan anu okabangangi anu binau nu Tumpu!”

SISIKON NU TO RASUL-RASUL 2:11 ပူးပေါင်းရင်းမြစ်များ

1 TOMU-TOMUNDO' 10:15

ma'isa minsoop na ka'untungan sangga'at anu o humpak badagang ka' hasin anu o'ala hi to mia-mian anu badagang, to tomu-tomundo' nu Arab ka' anu o humpak gohi to gubo-gubolonun nu Israel.

2 TAWARIKH 17:11

Lengkat mae hi aha mian nu Filistin ia nohumpakmo manjoo' hondo na salaka ka' palasen sangga'at, ka' anu lengkat mae hi aha mian nu Arab 7.700 na domba ka' 7.700 na mee'.

2 TAWARIKH 26:7

Tumpu Allah na nontulungi ia nompatundu' mian nu Filistin, ka' mian nu Arab anu jojoong i Gur-Baal ka' mian nu Meunim.

AYUB 9:10

Madi' opoko ala osumbu'to na kalaja-Nyo iwi-iwi', madi' opoko ala olekengto na anu okabangangi bibinau-Nyomo.

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:21

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu nompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

MAZMUR 136:4

Ola Ia na anu nombaumo han anu okabangangi toto daka-daka'; kalibosan-Nyo sampe toka sidu-sidutu'.

MAZMUR 26:7

Ka monyanyi nyanyian anu bau pontalima kaseh, ka' mombebakon apaa na anu binaumo nu Belento, anu talalo hondo okabangangi.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

MAZMUR 71:17

O Tumpu, Belento nompokinde'imo mae aku salatanmo pe'e ma'isa i langkai' ka' binegkele', sangkut uuka aiya ku sisikakon na kalaja nu Belento anu okabangangi hondo.

MAZMUR 77:11

Lantas aku notataemo, “Aiyamo na anu monsakiti kinyonyoangku, tukoongku Anu Matangkas na Kuasa-Nyo madi'mo daagi' balakuasa.”

MAZMUR 78:4

Kami madi' mompohowini hi to ana-anak mami; kami kahanda' mombebakon hi lee' mami anu aiya mae i ahop mongkona kuasa nu Tumpu ka' kalajanyo anu toto daka-daka', ka' mule' apa-apaa na palabuatannyo anu okabangangi.

MAZMUR 89:5

‘Kalaja'an nu beleyum sabole-boleh ku potinjo sampe toka sidu-sidutu', molundu-lundu na tulunan nu beleyum ka' to maku-makumpu nu beleyum monjojoongi.’ ”

MAZMUR 96:3

Sisikakon na Ia aijo' talasanggo hondo hi to bansa-bansa, ka' apa-apaa na palabuatan-Nyo anu talalo hondo daka'.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

YESAYA 13:20

Mau pe'e samian madi'mo daagi' ko anu jojoong ikiijo' mae. Madi'mo daagi' ko mian nu aha Arab anu lewa' mamba momoya na mombau kema' nu aha itampat aijo' ka' mule' madi'mo ko to pola-polaya' na molaya' mee' tiba dombanyo da opo, otot kiijo mae.

YESAYA 21:13

Sumo uuka na potuunon mongkona Arab; O, belemiu mian nu Dedan, mian nu belemiu anu singkap mae nonsake'i unta binakemahmo itano' nu aha Arab anu kahomo kuhat.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YEREMIA 3:2

Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

SISIKON NU TO RASUL-RASUL 2:10

lengkat i Frigia ka' i Familia, lengkat i Mesir ka' i da'erah-da'erah Libia koko Kirene; daagi' ko anu aiya hi kita anu tinoka lengkat mae i Roma,

SISIKON NU TO RASUL-RASUL 2:12

Aha binangangmo ka' tinolokengkeng lantas aha iwi-iwi' nompaha poki-pokilawa hi samian ka' samian, “Apaa na alati'nyo aiya?”

SISIKON NU TO RASUL-RASUL 27:12

Palalabuan i kiijo' memang madi' ma'ima' na to kapa-kapan jojoong i tempo' nu bakin. Mokonyo aijo' kanjoo'annyo na anu mokalaja i kapan setuju da talabutmo mompala'i palalabuan aijo' kalana aha mongka'oho' bala usaha da toka i Feniks ka' jojoong i kiijo' mae sampe lapas na tempo' nu bakin. Feniks aijo'mo na palalabuan i Kreta anu mo'ahop i sasu Barat Daya ka' i Barat Laut.

SISIKON NU TO RASUL-RASUL 27:13

Tempo'nyo aitu baleba' nolengkat i salatan madi' makansang. Sahingga anu mokalaja i kapan bapikin aha timbalimo po'ule' talabut. Jadi aha nohangkatmo tapu ka' tinalabutmo nontusakon biwi nu bone' togong Kreta.

SISIKON NU TO RASUL-RASUL 27:7

Tino pia-pian sinaa na ko pinnyo kami tinalabut nandeng hondo, ka' sinusa' hondo, ahennyo madi' pinoko toka mami na kota Knidus, kalana daagi' majo'on. Lapas aijo' kalana mombun daagi' ahi' ma'idek, kami madi'mo noko ala tinalabut lau-laus nokiijo' i anu ingahopan momona. Sahingga kami tinalabutmo i sasu Salatan togong Kreta notulu i Tadunyo nu Salmone da kiijo' mae kami madi'mo nutului nu mombun.

1 KORINTUS 12:10

Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

GALATIA 1:17

Aku madi' mule' namba hi to mia-mian i Yerusalem anu tinongkohimoonamo tinimbali rasul. Panyo aku inamba i lipu' nu Arab, ka' lengkat mae i kiijo' po'ule' mule' ninsusule' mae i Damsyik.

GALATIA 4:25

Jadi, i Hagar aijo'mo Bungkutnyo nu Sinai, i lipu' nu Arab. Ia salaku tanda nu kota Yerusalem tiba iwi-iwi' na anu jojoong, uuka aiya tinimbalimo posaihon.

TITUS 1:12

Toho' kino posi nabi nu aha, anu lengkat mae i Kreta suele, notatae, “To mia-mian nu Kreta saja' baleko', ka' sumo binatang anu bahangihi', mabebes ka' moluluk.”

TITUS 1:5

Aku nompala'imo beleyum i Kreta da beleyum timbali mongkalesang to hahan anu daagi' palalu o atun. Ka' mule', da beleyum mohangkat to pola-polaya' nu jama'at i batu-batu kota. Ka' o inau' na sonto-sonto' anu kupoto'i aiya:

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.