SISIKON NU TO RASUL-RASUL 2:10 - KITAB NU TUMPU ALLA LELE MA'IMAI'

¹⁰ lengkat i Frigia ka' i Familia, lengkat i Mesir ka' i da'erah-da'erah Libia koko Kirene; daagi' ko anu aiya hi kita anu tinoka lengkat mae i Roma,

SISIKON NU TO RASUL-RASUL 2:10 ပူးပေါင်းရင်းမြစ်များ

KAJADIAN 12:10

Panyo kiijo' i Kana'an hau-haunyo tinokanmo nu kasusa'an i anu okaan anu talalomo hondo sahingga i Abram namba nompaka pajo'onmo mule' nokiijo' i sasu selatan, i lipu' nu Mesir da jojoongmo ikiijo' mae, sampe madi'mo ko kasusa'an aijo'.

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

YEHEZKIEL 30:5

I uno nu pahampatean aijo' suele ahi' opateimo na to sulu-suludadu anu tinamboan lengkat mae i Sudan, Lidia, Libia, Arab, Kub ka' mule' posi bansang-Ku ahi'.”

DANIEL 11:43

Nu pahuhuakonmo na halata' nu Mesir sumo mosoni', salaka, tiba halata' sangga'at anu mahan na olinyo. Ia saidi' mae nu bantumo nu aha mian nu Libia ka' mule' mian nu aha Sudan.

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

ZAKHARIA 8:20

Tumpu Anu Daka' na Kuasanyo notataemo, “Tempo'nyo tokamo mae, manjoo' na mian anu jojoong ito kota-kota' tokamo mae i Yerusalem.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MATIUS 2:15

Aha jinojoong i kiijo' mae sampe i Herodes sinilakamo. Sahingga tinimbalimo apaa na anu tinaeakon nu Tumpu anu pinoto'inyo hi nabi-Nyo, sumo uuka, “Aku molaga Anak-Ku lengkat i Mesir.”

MATIUS 23:15

Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mamba majo-majo'on motaap i ambai, ka' lumajang monsongkohi katano'an ola ahi' mombau samian da minsoop i agamaum. Ka' salatan mian aijo' ninsoopmo i agamaum, komiu monsaduakonmo ia salon nu nalaka. Lipat pinduan lebe ma'idek molingkudui komiu!

MATIUS 27:32

I totonga' nu jalan, aha nompahakabot tiba samian anu lengkat mae i Kirene, sanggonyo i Simon. Aha nompakisa mian aijo' monsimbu salib i Yesus.

MARKUS 15:21

I tonga' nu jalan aha nompakisamo samian da monsimbu salib i Yesus. Mian aijo' kakona anu sala'je lengkat mae i kampung mongkahanda'imo minsoop mokiijo' i kota. (Sanggonyo i Simon, – nolengkat mae i Kirene – tuuma i Aleksander ka' i Rufus.)

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 13:13

Lengkat i Pafos, i Paulus ka' to sanga-sangalunyo tinalabutmo nokiijo' i Perga da'erah Pamfilia. I kiijo' i Yohanes, Markus nompala'imo aha, ka' ninsusule'mo i Yerusalem.

SISIKON NU TO RASUL-RASUL 13:43

Ilapas to mia-mian nosabat lengkat i laigan pogalejaan aijo', i Paulus ka' i Barnabas binatukanmo nu mian da'isan Yahudi ka' bansa sangga'at anu ninsoopmo agama Yahudi. Sahingga to rasul-rasul aijo' nompokinde'imo aha, da aha tionyo saja' montaha'imani balakat nu Tumpu.

SISIKON NU TO RASUL-RASUL 14:24

Lapas aijo' i Paulus ka' i Barnabas nolausakonmo lajangan nu aha montulu i da'erah Pisidia ka' tinoka i Pamfilia.

SISIKON NU TO RASUL-RASUL 15:38

panyo i Paulus mongoa'i madi' ma'ima' na momboa i Markus, anu madi' mongka'oho' mokalaja hingga-hinggat tiba aha ka' nompala'imo aha kiijo' mae i Pamfilia.

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 17:21

Kalana iwi-iwi' mian nu Atena ka' to mia-mian salipu'an anu jojoong i kiijo' mongka'ima'i hondo mongingkoti tempo' anu madi' ko anu obau nu aha da mohongo ka' motatae mongkona hahan anu daagi' bu'ou.)

SISIKON NU TO RASUL-RASUL 18:2

I kiijo' ia nompahakabot tiba samian na Yahudi sanggonyo i Akwila, nolengkat mae i lipu' Pontus. I Akwila sala'je tinoka lengkat i Italia tiba bengkele'nyo i Priskila. Aha tinoka i Korintus kalana i Tomundo' Klaudius nonsaimo iwi-iwi' na mian nu Yahudi mosabatmo pala'imo na Roma. I Paulus namba nolenga aha ua-ua'aha,

SISIKON NU TO RASUL-RASUL 18:23

Salatan jinojoong i kiijo' tino pia-piamangamo na kinopinnyo, ia namba mule' nolenga tano' nu Galatia ka' Frigia da mompokododo kapalesaya'an anu totu-totu'u nu to mia-mian anu palesayamo.

SISIKON NU TO RASUL-RASUL 2:11

daagi' ko to mia-mian nu Yahudi ka' suele to mia-mian bansa sangga'at anu ninsoopmo agama Yahudi; daagi' mule' ko anu tinoka lengkat mae i Kreta ka' i Arab. Kita iwi-iwi' nohongomo aha notatae nu basa'to, toto samian mongkona hahan anu okabangangi anu binau nu Tumpu!”

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

SISIKON NU TO RASUL-RASUL 27:5

Lapas aijo' kami notaapmo ambai anu mompaha ahop tiba Kilikia ka' Pamfilia, lantas tinokamo i Mira i lipu' nu Likia.

SISIKON NU TO RASUL-RASUL 28:15

To Utu-utus i Roma anu palesayamo hi Yesus nohongo lele mongkona kami, sahingga aha tinoka nokiijo' i Pasar Apius ka' i Laigan panginapan Totolu' anu lewa' kasonso'an nu mian male' kahanda' molabot kami. Salatan i Paulus nompahakabotmo tiba aha, ia nomoita talima kaseh hi Tumpu ka' kinyonyoanyo sinanangmo.

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 6:9

Panyo daagi' ko to mia-mian anu madi' montalima ia; aha aijo'mo to mia-mian anu mogaleja i laigan pogalejaan anu osa-osanggohi Laigan Pogalejaan nu to Mia-mian anu Madi' Tataap. To mia-mian anu mogaleja i laigan pogalejaan aijo' atina'mo to mia-mian nu Yahudi lengkat mae i Kirene ka' i Aleksanderia. Aha tiba to mia-mian nu Yahudi lengkat mae i Kilikia ka' i Asia nahanggaga tiba i Stefanus.

ROMA 1:15

Mokonyo aijo' ku indi hondo mompolele Lele Ma'ima' aijo' hi komiu anu suele jojoong i Roma.

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

2 TIMOTIUS 1:17

Salatan tinokamo i Roma, ia lau-laus binala usahamo nolio aku sampe ia siningkabot tiba aku.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.