SISIKON NU TO RASUL-RASUL 19:34 - KITAB NU TUMPU ALLA LELE MA'IMAI'

³⁴ Panyo salatan aha nontoa taalu' ia mian nu Yahudi, nohingga-hinggat na aha noloboo' hoso-hoson, “Tumuu' na i Artemis, pilogot boune mian nu Efesus!”

SISIKON NU TO RASUL-RASUL 19:34 ပူးပေါင်းရင်းမြစ်များ

1 TOMU-TOMUNDO' 18:26

Sahingga aha nompile'mo sa'angu' na sapi' lantas pinotoukamo nu aha. Lapas aijo' aha binalado'amo hi Baal nu aha, lengkat pe'e daagi' subu sangkutnyo tinoka sonsu'un na sinaa, ka' lewa' nolo-noloboo', “Taami mae na kami Baal!” Sumo aijo' na aha nombau ka'mule' lewa'mo nonsalelei montikubi mezbah nu aha. Panyo' madi' hondo-hondo ko anu nontaami mae.

MATIUS 6:7

De komiu balado'a, boli opo uli-ulit sumo to mia-mian anu madi' monsumbu' Tumpu. Aha monsangka, saba' poitaon nu aha tionyo Nu hongo, sabab do'a nu aha anu mantan aijo'.

SISIKON NU TO RASUL-RASUL 16:20

Aha nompopangadap i Paulus ka' i Silas hi to pangka-pangkat pamalentah nu Roma, lapas aijo' notatae, “To mia-mian aiya mian nu Yahudi. Aha nompotasibu'mo i kota'to.

SISIKON NU TO RASUL-RASUL 19:24

Kalana i kota' aijo' daagi' ko samian topo tutuk salaka, sanggonyo i Demetrius, anu mombau bonu-bonua nu pilogot da bau ponsombaan Pilogot boune i Artemis. Usaha nu mian aijo' nohasinakonmo anu daka' hondo hi topo kalajanyo.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

SISIKON NU TO RASUL-RASUL 19:28

Salatan mian haha aijo' nohongo aijo', kinyonyoa nu aha na'idekanmo, lantas aha lewa' noloboo', “Tumuu' na i Artemis, pilogot boune mian nu Efesus!”

SISIKON NU TO RASUL-RASUL 19:33

Sambagian na mian haha aijo' monsangka i Aleksander na nombau sabab, kalana iamo na anu pinunsuhakon i ahop nu to mia-mian Yahudi. Sahingga i Aleksander nombee'i tanda nu limanyo mompoita da obee'i kasampatan montalangkan butongnyo i ahop nu mian haha aijo'.

SISIKON NU TO RASUL-RASUL 19:35

Ahennyo gulu' tulis nu kota kino hasinnyo na nompo'aman mian da'isan aijo'. Ia notatae, “To mia-mian nu Efesus! Toto samian monsumbu'mo saba' Efesusmo na kota' anu monjagai laigan nu Pilogot boune Artemis ka' batu susi' anu nanabu' lengkat mae i langit.

ROMA 2:22

Kita Utus mompogulu' mian da boli masala', yo aitu posi kita Utus masala'! Kita Utus mongka'ideki pilogot, yo aitu posi kita Utus mongala palabuat nu to lai-laigan bapilogotan.

ANU PINOTO'I HI YOHANES 13:4

Ka' aha nonsombahmo ulo anu talalo hondo daka' aijo' kalana ia nombee'mo kakuasa'annyo hi binatang aijo'. Ka' aha suele nonsombahmo binatang aijo'. Aha notatae, “Madi' ko anu pokakana tiba binatang aiya! Madi' ko anu moko ala mahampate mongewa ia!”