SISIKON NU TO RASUL-RASUL 19:29 - KITAB NU TUMPU ALLA LELE MA'IMAI'

²⁹ Sahingga ka hengge'an aijo' tinogilelemo tinoka-toka i songko-songko na kota'. Lapas aijo' posa'angu'an anu mombau kahengge'an aijo' nohakop i Gayus ka' i Aristarkhus, aitumo' to mia-mian nu Makedonia anu monsangalui i Paulus mamba moyaya, lantas nohela' aha nokiijo' i totonga' nu kota aijo'.

SISIKON NU TO RASUL-RASUL 19:29 ပူးပေါင်းရင်းမြစ်များ

SISIKON NU TO RASUL-RASUL 13:5

Salatan tinoka i Salamis, aha nompolelemo potatae nu Tumpu Allah i to lai-laigan pogalejaan nu Yahudi. I Yohanes Markus nontulungi aha i uno nu lumambanan nu aha.

SISIKON NU TO RASUL-RASUL 16:12

Lengkat i kiijo' kami nokiijo'mo i Filipi, sa'angu' na kota Kacamatan anu momona otokai i Makedonia. Filipi pinalentah nu kalaja'an Roma. I kiijo' mae kami jinojoong tino pia-pian sinaa.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 17:8

Tiba potatae haha aijo', aha nonsaduakonmo mian da'isan ka' anu mongkuasai kota' aijo' tinimbali i hengge' hondo.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 19:22

Sahingga ia nonsai ua'aha na mian anu saja' montulungi ia, aitumo i Timotius ka' i Erastus da mamba mokiijo' i Makedonia, hau-haunyo ia daagi' jojoong to pia-piangkuka na ko pinnyo i Provinsi Asia.

SISIKON NU TO RASUL-RASUL 19:32

Hau-haunyo aijo' to mia-mian anu sinihuk i totonga' nu kota' aijo' kinalangkabutmo. Daagi' ko anu nolo ais sumo aiya, daagi' ko anu nolo ais sumo aijo', kalana kanjoo'annyo hi aha madi' monsumbu' apaa na sababnyo aha sinihuk i kiijo'.

SISIKON NU TO RASUL-RASUL 20:34

Posi kita Utus monsumbu'mo, saba' ola posi lawengku na bakalaja bau pomposukup kapalaluanku ka' to sanga-sangalungku anu mombatuki aku.

SISIKON NU TO RASUL-RASUL 20:4

I Sopatar anak i Pirus anu nolengkat mae i Berea namba nohingga-hinggat ia; sumo aitu mule' i Aristarkhus ka' i Sekundus mian nu Tesalonika, ka' i Gayus mian nu Derbe. Suele i Timotius, i Tikhikus, ka' i Trofimus, to mia-mian lengkat i Provinsi Asia.

SISIKON NU TO RASUL-RASUL 21:30

Songko-songko na kota kinalangkabutmo ka' iwi-iwi' na mian nopadeka'mo mae ka' sinihukmo. Aha nohakopmo i Paulus ka' nohela'mo ia nosabat lengkat mae i Laigan nu Tumpu. Tempo'nyo aitu mule' tumban nu Laigan nu Tumpu pinotumbanmo.

SISIKON NU TO RASUL-RASUL 21:38

“Desumo aitu, beleyum misa' mian nu Mesir anu u'utu mae nombaumo kahengge'an lantas nompalaiyakonmo opat na madala na mian anu mompokalangkabut nomboa bau pimuhuk ninsoop i padang bolaa?”

SISIKON NU TO RASUL-RASUL 27:2

Kami sinumake' i kapan anu tinoka lengkat mae i Adramitium, lapas aijo' inamba tiba kapan aijo' anu sinadiamo talabut mokiijo' i to labu-labuan i Provinsi Asia. I Aristarkhus, mian nu Makedonia anu tinoka lengkat mae i Tesalonika, talabut suele hingga-hinggat tiba kami.

ROMA 16:23

I Gayus nompakatu salan do'a hi komiu. Aku jinojoong i laigannyo tiba jama'at kami suele mogaleja i kiijo'. I Erastus, kapala nu anu mongulus doi kiijo' i kota, nompakatu salan do'anyo hi komiu. Sumo aitu mule' na Utusto i Kwartus. [

1 KORINTUS 1:14

Talima kaseh aku madi' nompalamandikan mau mule' samian itina' hi komiu, ola ahi' i Krispus tiba i Gayus.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

2 KORINTUS 8:19

Ka' mule' mian anu sinanggo aijo' pinile'anmo suele ka' tinantukanmo nu to jama-jama'at da monsangalui kami i lumambanan mami. Kalana kami batanga'mo mamba momboa pontulungi aijo', da Tumpu opopodaka' ka' da komiu montoa saba' kami halala' hondo na montulungi.

KOLOSE 4:10

I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)

FILEMON 1:24

Talimakon suele na salan do'a nu to sanga-sangalungku: i Markus, i Aristarkhus, i Demas ka' i Lukas.

3 YOHANES 1:1

Kita utus Gayus anu okanonongi! Aku, polaya' nu jama'at, anu totu-totu'u mongkalibosi beleyum,